《流行經典50年》｜譚嘉儀首次與兄姊同台Jam歌 網友大讚：全家人都好唱得

昨晚一集《流行經典50年》多位嘉賓帶埋屋企人一齊嚟合唱，而譚嘉儀就喺哥哥譚耀倫伴奏下，同家姐譚嘉敏高歌一曲《Lydia》。譚嘉儀昨日喺IG發表感言：「到我哋三兄弟姊妹同台演出！真係人生第一次！多謝《流行經典50年》畀機會我哋一齊上嚟玩！」

{{hket:inline-image name="tam10.png"}}{{/hket:inline-image}}

【愈大愈靚】譚嘉儀否認整容靠3招瘦面 被指撞樣陳秀珠：係我嘅榮幸【下一頁】

家姐譚嘉敏喺節目中指妹妹由細到大都好健談，「佢把口真係不得了，細細個已經好鍾意講嘢，大個咗大家而家都知……細細個我哋第一次去餐廳，佢用一晚就識晒餐廳所有人，因為佢實在太健談！」

{{hket:inline-image name="tam3.png"}}{{/hket:inline-image}}

而哥哥譚耀倫就指同妹妹有時都會鬧交，「因為細個妹妹有時會強迫我玩女仔玩具，搞到我好唔開心，明明我鍾意玩四驅車，所以我會同佢爭執！」而大家姐就會負責調停，「叫佢哋唔好嗌交，然後一手拎晒玩具入房自己玩！」三人由細到大的感情深厚，相處融洽。

（↓點擊圖片放大睇↓）

睇番譚嘉儀嘅IG，佢不時都會po同哥哥、姐姐嘅合照。去年9月家姐生日，佢仲特登book咗間酒店同家姐staycation慶生。而姐姐有一個囡囡叫芊穎，譚嘉儀錫到佢燶，不時帶芊穎出席公開活動。

至於譚嘉儀哥哥譚耀倫都係音樂人，除咗會幫妹妹伴奏外，仲曾經同妹妹合作，幫佢歌曲擔任作曲人、監製，又會一齊寫歌，拍住上！

（↓點擊圖片放大睇↓）

如果大家有留意開《流行經典50年》，其實譚嘉儀媽咪都曾經上過節目獻唱！去年母親節譚嘉儀帶晒媽咪、哥哥、家姐同姨甥女上節目，依舊係由哥哥結他伴奏，譚嘉儀同佢媽咪合唱《漫步人生路》，譚媽媽唱功更大獲好評！果然係音樂世家！

（↓點擊圖片放大睇↓）

【人生憾事】龔嘉欣尾指斷筋無法繼續學鋼琴 譚嘉儀遺憾哈比身高未能圓夢做... 【下一頁】