親自下廚孝敬雙親 許廷鏗激罕曬餅印老竇

許廷鏗（Alfred）向來熱愛下廚，曾自誇為「被歌手耽誤咗嘅廚師」，最近他在IG以「鏗gry廚房」為題，分享下廚心得。昨日Alfred炮製擔擔麵給父母試食，更罕有地將雙親照片po上網。相中的許爸爸與許廷鏗相當似樣，尤其鼻子猶如倒模一般，許爸爸更豎起拇指，似乎十分讚賞乖仔廚藝。

Alfred留言說︰「我知道…佢哋（父母）一定唔prefer我將佢哋個樣放上網，但係對我嚟講，實在太值得post，如無意外應該係我人生第二次煮嘢畀爸媽食。」他指擔擔麵雖非健康食物，但因許媽媽開口表示想食，所以他特地炮製︰「（父母）無講啲咩嘢評語，家人就係咁，輕輕咁帶過，一句『OK啊』勝過千言萬語，其實做仔女嘅咁樣就咩都值。」