陀槍師姐2021｜盧宛茵演強勢外母狂窒許紹雄 多年「老公」變「女婿」反差好驚喜

《陀槍師姐2021》中，許紹雄與張嘉兒飾演一對老夫少妻，而盧宛茵則演張嘉兒的母親。日前一集提到許紹雄去接外母盧宛茵收工，點知被人誤認是夫妻，而盧宛茵更故意刁難許紹雄，令其十分尷尬。

{{hket:inline-image name="madam3.png"}}{{/hket:inline-image}}

{{hket:inline-image name="madam2.png"}}{{/hket:inline-image}}

陀槍師姐2021｜伍禮騫扮變態色魔全程無對白 《愛回家》演惡霸曾被誤認係壞人 【下一頁】

劇情提到許紹雄去接外母盧宛茵收工時，被工作人員誤認是夫妻，更讚兩人好恩愛，好有夫妻相。盧宛茵即一臉不悅，揚長而去。及後兩人到街市，檔販見許紹雄咁生面口，又問係邊個，盧宛茵就話佢係司機。

到晚上眾人食飯時，盧宛茵又多番刁難許紹雄，言談間多次嫌棄他與女兒張嘉兒是老夫少妻，「都唔知係click到(情投意合)定係撠親」、「個女第一次帶人返嚟食飯，我以為見男朋友之前要對親家」、「今日又被人認錯，不過又唔怪得人，鬼叫佢似我老公多過似女婿。」、「人就無話100分嘅，外在條件唔好，就用家底彌補，但佢樣又無，錢又無，都唔知貪佢乜好。」句句都好有骨，令女婿許紹雄超尷尬！

（↓點擊圖片放大睇↓）

翻查資料，現實中今年盧宛茵快將68歲，而許紹雄今年踏入73歲，兩人年齡相差5年，卻是演外母及女婿的關係。許紹雄這個女婿年紀比外母還要大，反差實在是令人十分驚喜。

{{hket:inline-image name="madam15.png"}}{{/hket:inline-image}}

而許紹雄同盧宛茵過往曾多次合作，仲曾多次飾演過夫妻。睇番兩人拍劇記錄，如1999年《命轉情真》、2000年《雷霆第一關》、2002年的《戇夫成龍》、2005年《阿旺新傳》、2009年《富貴門》、2013年《女警愛作戰》，足足有6次咁多呀！難怪在劇中被指有「夫妻相」！

（↓點擊圖片放大睇↓）

《陀槍師姐2021》滕麗名「點名」與黃美棋續母女緣 爆老公唔「捧場」：覺得接受唔到 【下一頁】