7仔購物滿$108 隨機送開運小瓷罌1個

早排7仔同Sanrio合作推出由10個人氣角色化身嘅「開運小瓷罌」，但換購活動因生產綫受影響而取消。公關姊妹同黛安講，近日7仔確認有足夠現貨，決定以隨機送出形式，為顧客送上新年祝福。

每款「開運小瓷罌」高約8厘米，10個角色分別着上5種唔同色系嘅新年同日式服飾，各有獨特祝賀寓意；全部以高溫瓷燒製，同埋由技藝師以人手製作，每個都好獨特，可做擺設或小錢罌。由即日起到7仔買夠$108（包括1件新年禮盒），就可以隨機得到一款「開運小瓷罌」，數量有限送完即止，每人每日最多只可獲贈3個，大家快啲去掃貨啦！