【聲明】港生活網站並無進行電話推廣活動

爆羅子溢要求嚴守探女規則 楊卓娜:影狗咁離遠影BB

發佈時間: 2021/02/03

楊茜堯(前名楊怡)去年為老公羅子溢(前名羅仲謙)誕下女兒「小珍珠」,兩人視女兒如珠如寶,羅子溢為防止女兒染疫,更不惜對摯親「落閘」。楊茜堯胞姊楊卓娜昨日接受新城電台訪問,大爆自己探望小珍珠時,妹夫「遙距」要求她注重衞生,令她深感壓力。

楊卓娜昨天到新城電台接受訪問,提到妹妹楊茜堯及妹夫羅子溢於內地拍劇,她大爆羅子溢非常緊張女兒:「依家阿媽負責湊小珍珠(楊茜堯女兒),我想埋去都唔畀,已經落咗閘。我早幾日去探佢哋,羅子溢知道,即刻喺電話同我講『戴番口罩,唔好同我個女玩咁埋』,搞到我好大壓力,同BB影相,只可以好似影狗咁離遠影,不過我都明白。」

身為人母的楊卓娜,當然明白妹妹及妹夫擔心B女染疫:「疫情之下,依家啲小朋友好慘,就算一歲大,都好似無見識過世界咁,小珍珠只可以喺自己屋苑範圍內,每日曬下太陽。」楊卓娜又希望妹妹和妹夫趕及回港過年:「我覺得佢哋實會掛住個女掛到喊,始終離開個女咁耐,不過佢哋兩公婆可以攬住一齊喊。」

自認佛系抗疫

提到電台鄰近封區檢測的紅磡,楊卓娜輕鬆表示不會擔心:「生死有命,做好自己就得,我屬於佛系(抗疫),希望大家保持身體健康,平安過年。」另外,她提到自己女兒時,表示一定要陪伴女兒度過成長頭20年:「囡囡係我同老公嘅掌上明珠,雖然阿女正值青春期,但無反叛過,仲好獨立,好清楚自己未來嘅方向。」

撰文︰Pauline

編輯:李潔盈

美術:梁政敏

爆羅子溢要求嚴守探女規則 楊卓娜:影狗咁離遠影BB

羅子溢與楊茜堯非常緊張女兒小珍珠。(資料圖片)