姜濤派利是嗌唔慣

早前奪叱咤「我最喜愛男歌手」的姜濤人氣當旺，近日更獲運動品牌邀請，拍攝新一季系列廣告。廣告以姜濤的蛻變為主題，他說︰「攝影師叫我擺番啲天然呆嘅pose，我諗番剛入行嗰陣，好多時未了解發生咩事。呢一刻發現自己唔再係新人喇，無人再畀機會你去試，所以要更有自信，拍攝後半段佢哋叫我眼神要肯定啲！」

姜濤笑言因不是新人，很多事要重新適應︰「例如以前我負責𢭃利是，經理人花姐（黃慧君）同我講，今年過年開工要派利是畀工作人員，我都覺得怪怪地，但成長過程就係咁，而且身邊人真係幫咗我好多，派畀大家都係開心嘅。」他拍廣告時，不忘為MIRROR兄弟謀福利，希望品牌送隊友每人一對鞋做新年禮物。