殘樣講波惹網民擔心 余德丞解釋超深黑眼圈之謎

余德丞（Dickson）18年踢波期間因心律不正昏迷送院，雖已康復出院，但日前他為足球賽事擔任評述員時，竟然一臉殘樣，面色蒼白加上勁深黑眼圈，令網民擔心他的健康狀況。他昨日出席新劇活動時，強調自己身體健康，大家不用擔心。他說：「其實我同公司溝通過，希望拍番劇，所以最近幾套劇都係客串，先熱身。（擔心身體狀況？）大家唔好再作無謂揣測，我身體無事。」

Dickson解釋當日為澳洲球賽講波，自己不熟悉當地球賽及球員資料，花了不少時間做資料搜集，才會睡眠不足。他說：「可能加上現場燈光影響，先影到我個樣好攰咁，其實我非常健康，最近仲有跑步。」他又解釋超深黑眼圈的原因：「我細個有哮喘，血液唔流通，所以咁多年嚟都有黑眼圈，呢樣真係輸在起跑綫喇！」他明白大家先入為主，關心他的健康，他亦擔心給人「潺仔」印象，但他強調目前狀態不俗：「目前我嘅身體狀況，係可以安心應付工作嘅。」

攝影：林良明