戴祖儀黑髮行衰運素顏變晒樣 減齡十年超清純洗姣精污名？

有「長腿女神」之稱嘅戴祖儀（Joey）外形cute cute，一向都係唔少宅男心目中嘅女神，最近仲多咗個稱號，日前佢同馮盈盈、江嘉敏、蔡思貝及陳曉華被封為無綫5大新姣精，專門收兵！不過睇嚟佢「不服裁決」，連日喺自己IG為自己「平反」。

{{hket:inline-image name="118467660_304992120825055_4787856864198366915_n.jpg"}}{{/hket:inline-image}}

「受寵若驚」嘅Joey一見到報道就喺社交平台反擊，皺晒眉咁露出疑惑樣指住報紙上嘅「姣精」二字，留言：「你確定......我真係有能力承受呢個稱號？btw『兵』呢？我都想要『兵』呀！情人節就嚟到啦！你哋喺邊呀！」佢仲附上一張「入伍表格」，叫大家填好之後send畀佢嘅「大將軍」，好笑嘅係發現自己連「將軍」都未有，不過佢都大讚報道張相揀得靚，自嘲一番相當可愛！

{{hket:inline-image name="145243614_1135163816921969_2941931648123764614_n.jpg"}}{{/hket:inline-image}}

唔少fans即刻排隊填表想入伍，大家都話識Joey嘅人都知佢唔係「姣精」，「你身上只搵到傻同可愛」，加多句以佢美貌係絕對有能力收兵！之不過，「姣精」之一江嘉敏觀眾緣就唔係咁好嘞，佢喺Joey嘅相度留言「呢張相係索嘅」竟然引嚟對方粉絲圍插刷存在感 ; 網民諷刺江嘉敏「你就真係實至名歸」、 「人不要面天下無敵」、「面皮和脂肪一樣厚」，睇嚟都幾不受歡迎！

（↓點擊圖片放大↓）

Joey今日佢又上載一張佢嘅黑髮素顏相，同往日造型完全唔同，幾乎唔認得呀！網民又大讚呢個look好清純，減齡十年同超kawaii，成個中學生咁，好fresh！但Joey似乎唔唔多鍾意新造型，話「頭都痛埋」，「自己命格唔適合黑髮……」，即係轉咗黑髮之後就好黑仔，大家又點睇呢？