李珊珊親述患驚恐症︰鄭秀文拉番我出嚟

李珊珊近日在雷霆881開咪，主持節目《自在想》，珊珊更親自講述她患上驚恐症的心路歷程。她透露患病初期經常覺得呼吸困難、突然心跳加速甚至眼前出現雪花，後來確診驚恐症。她自言堅強性格是患病成因之一︰「由18歲入行以嚟，我遇到不如意事，都會一個人去頂，尤其呢行好高壓，我唔硬淨點可以企出嚟，時間耐咗，負面情緒儲太多就爆。」患病後珊珊深居簡出，有次她外出時卻遭途人指指點點說︰「嘩，乜你依家咁大隻，肥婆咁！」令她一度非常失落。

珊珊治病期間，最感恩得到好友的支持和體諒︰「第一個要多謝嘅一定係鄭秀文，係阿Mi將我喺深淵拉番出嚟，佢鼓勵我『唔使驚！就算行一步退兩步我哋都一齊行』，我覺得佢係一位天使帶領我，好多謝佢！」她又多謝古天樂、甘比（陳凱韻）及林保怡等好友扶她一把，令她繼續前行。