謝嘉怡鍾意港男夠純情

應屆港姐冠軍謝嘉怡昨日出席明珠台情人節活動，單身的她日前與兩位男友人出海滑水，不過她表示對方只是朋友。她又特別鍾情香港男生，認為夠單純。

謝嘉怡、鄧卓殷、翟威廉、黃庭鋒及馬貫東等，昨日出席明珠台《愛的季節》情人節活動，眾人在台上互爆情史和秘密，又組成「情侶檔」大擺親密甫士。無拖拍的謝嘉怡表示情人節暫未有約，她又坦言鍾情港男多過英國男士，她大讚：「我對香港男仔印象好啲，感覺佢哋比較純，英國男仔成日掛住玩，不過我唔心急搵男朋友，現階段都想專心喺香港發展事業。」

日前謝嘉怡孖黃俊豪和天堂鳥的許俊豪出海滑水，又在IG分享滑水片，不過她在片中穿着的泳褲比較鬆身，令人擔心她走光。她笑言好彩沒有出事：「我第一次滑水，玩得好開心。（型男陪伴出海？）佢哋係我喺訓練班認識嘅，唔驚有咩誤會。」

唔羨慕郭柏妍入劇組

另外，提到應屆港姐季軍郭柏妍獲安排拍攝《白色強人Ⅱ》，與陳豪大演對手戲，謝嘉怡笑言不會羨慕：「我想履行為期一年嘅港姐任務先，其實聽到同屆港姐有拍劇機會，都戥佢哋開心！」有指謝嘉怡因廣東話水皮而輸蝕，她表示會先學好廣東話，拍劇方面並不着急。

採訪︰Pauline

攝影︰林良明

編輯：李潔盈

美術：梁政敏