【聲明】港生活網站並無進行電話推廣活動

曾志偉回歸TVB 湯盈盈大爆:偷聽到再拍《獎門人》

發佈時間: 2021/02/04

湯盈盈、單立文、劉丹及林淑敏等一眾《愛•回家之開心速遞》演員,昨日「紅噹噹」打扮出席宣傳活動,提早慶賀農曆新年。湯盈盈好友曾志偉即將回歸無綫出任高層,盈盈忍不住大爆志偉有機會再開拍新一輯《獎門人》。

《愛•回家》演員昨日以賀年打扮現身,蘇韻姿、周嘉洛及吳偉豪即場表演醒獅獻技,眾人又合力轉動風車,祈求新一年好運來臨,又代表劇集送上新年祝福,場面非常熱鬧。湯盈盈雖然作風洋化,不過她十分重視農曆新年,她說:「我跟媽咪學整盆菜,之前完全未整過,又同小朋友一齊包水餃同搓湯圓,其實我兩個女從來未食過湯圓,所以佢哋覺得好新鮮。」

提到好友曾志偉即將回歸無綫出任副總經理,有傳志偉將於農曆新年前上任,盈盈說:「我聽到都好似係。」她指只要志偉有需要,嘉樂會盡量幫手,提到外間關心志偉會否開拍新一輯《獎門人》,她爆料:「我偷聽到有提過,希望到時疫情好轉啦,可以一班人出trip玩,我練定身手同啲後生女玩遊戲。」她表示當年與嘉樂因拍攝《獎門人》撻着,所以節目特別有意義。

想去片場見劉德華

問到老公錢嘉樂是否在內地開工?盈盈表示嘉樂一直在港︰「之前老公本來打算返大陸開工,但我同佢講一來一回又要隔離,有排都見唔到,叫佢唔好去,不過嘉樂喺香港都有工作,過年後應該會開工。」盈盈指嘉樂在港時教囡囡學中文,又帶女兒行山,問嘉樂是否準備開拍劉德華有份主演的英皇新片《金手指》?盈盈即說:「我想去片場探班見華仔,我做茶水都得,不過老公唔畀,佢驚我失禮。」

採訪︰Pauline

編輯:李潔盈

美術:顏玉玲

 曾志偉回歸TVB 湯盈盈大爆:偷聽到再拍《獎門人》

曾志偉將出任無綫高層。(資料圖片)

 曾志偉回歸TVB 湯盈盈大爆:偷聽到再拍《獎門人》

《愛.回家》演員昨日大玩醒獅表演,喜氣洋洋。

 曾志偉回歸TVB 湯盈盈大爆:偷聽到再拍《獎門人》

許家傑及林淑敏齊齊戴上可見嘴型的口罩。