岑珈其做老竇 囝囝早產留院無得探

岑珈其、男團MIRROR成員呂爵安（Edan）、魏浚笙（Jeffrey）等，昨日拍攝ViuTV遊戲節目《膠戰新春SP》。剛剛榮升爸爸的岑珈其，開心表示母子平安，不過因太太早產生B，所以兩母子目前仍然留院，暫時未能一家團聚。他說︰「囝囝未足磅，要留院觀察，因為疫情關係，依家無得探BB住，希望BB身體健康，快高長大！」

同場的Edan及Jeffrey提到《膠戰》受歡迎，所以會開拍二季，並將由一星期播出五集，改為一星期播一集︰「之前每集半個鐘，拍攝同剪片都好辛苦，又浪費咗好多鏡頭。第二季未有咁快開，所以拍咗新春特別版當係熱身。」最近推出Solo歌《E先生連環不幸事件》的Edan，MV登上YouTube熱門第一位，令他非常開心；目前Edan備受力捧，被其他成員取笑做「ViuTV一哥」，Jeffrey更說︰「全靠Edan帶挈，我最近多咗fans！」