有共識唔戴婚戒 朱慧敏叫醫生老公做BB

朱慧敏昨日孖老友王賢誌（Vinci）及林子博等到粉嶺做義工，向長者大派福袋。朱慧敏上月嫁給養和醫院心臟科醫生陳良貴，榮升陳太的她明顯容光煥發，又透露從未稱呼丈夫做「老公」，反而會叫對方做「BB」，肉麻又甜蜜。

新婚朱慧敏昨日沒有戴婚戒現身，她解釋與老公早有共識，在外不會戴婚戒︰「我哋婚前已經協議咗唔戴婚戒，陳生（老公）因為職業關係，成日都要洗手同戴手套，戴戒指唔方便，所以會擺喺屋企。」她表示婚前已有執屋做家務習慣，所以已習慣人妻生活。她又自爆從未叫丈夫做「老公」，問到雙方暱稱？她甜絲絲說：「佢係陳醫生，我喺鏡頭前要維護佢專業形象。我喺人前叫佢『先生』、『丈夫』，喺屋企就叫佢BB、Baby，佢就會叫我『hello my wife』，我哋相敬如賓！」

王賢誌提早慶祝情人節

問到朱慧敏何時開始造人大計？她說：「計劃一、兩年後，都係順其自然，我哋都鍾意小朋友。」身旁的王賢誌聞言，即取笑朱慧敏「年紀唔細」要快點生B，又自薦做契爺幫手湊B。朱慧敏與老公日前開live，吸引超過20萬點擊率，她大讚老公口才好轉數又快。另外，王賢誌表示另一半回澳門陪伴親人，所以兩口子分開過年：「因為去澳門要隔離21日，如果我過去可能只留到一、兩日，惟有各自陪屋企人過年，不過我哋提早慶祝咗情人節。」

撰文、編輯︰李潔盈

美術︰梁政敏

攝影：林良明