《十月初五的月光》演萬朱莎華2.0 姚嘉妮呻變「女版丁蟹」好辛苦

21年前的無綫劇集《十月初五的月光》，陳曼娜（Manna姐）演繹為人霸道、咄咄逼人的富婆萬朱莎華令人印象難忘。近日無綫開拍新版《十》劇，這個搶眼角色則落在姚嘉妮（嘉嘉）身上，她對此亦充滿期待，戲言將成為「女版丁蟹」，嘉嘉說︰「我自己睇劇本都覺得個角色乞人憎！」

當年陳曼娜在《十月初五的月光》飾演的萬朱莎華勁搶戲，劇中對白「我萬朱莎華最講道理」大受觀眾熱捧。劇集尾聲，她的兩位兒子鄧浩光、劉永健先後車禍喪生致失心瘋這一幕，更為人津津樂道。近日新版《十》劇開拍，姚嘉妮接棒演萬朱莎華，嘉嘉稱︰「劇集開拍攝無耐，我已搞到好大壓力，多場戲要演繹得聲嘶力竭，更令我返到屋企未能立即抽離，相當辛苦。」嘉嘉指第一集已交代其人物性格，劇中場面亦幾乎全是鬧人。她透露未有翻看當年的版本︰「時代唔同，以前嘅奸角同依家演繹方式都唔一樣，我都唔想模仿Manna姐嘅演繹方式，監製（陳志江）同我講要有霸氣，服裝同對白都要重新設計，我要練習講嘢無尾音，把聲要壓低啲。」

憂太入戲人格分裂

嘉嘉透露拍劇經常要鬧人，現已感吃不消︰「尤其我知道呢個角色好大發揮，加上開工時間長，又有好多對白要記，以前返到屋企會不停同老公講嘢，依家個人反而沉靜咗，我真係代入咗個角色，齣劇預計拍至三月底，好怕抽離唔到。」她形容今次化身「女版丁蟹」，就連自己看劇本後也自覺乞人憎。問到回家後，丈夫林祖輝及一對子女可有覺得她有分別？嘉嘉笑言︰「對住仔女我就變番軟皮蛇，老公同我媽咪都覺得我cool咗，我沉靜咗佢哋仲驚我發脾氣。」近年嘉嘉經常在社交網化身KOL與網友互動，問及可擔心在現實中也不自覺鬧人，她笑謂︰「都驚！每日開工都懷着沉重心情！我都覺得自己會人格分裂！」

採訪︰Pauline

編輯︰Steven

美術︰梁政敏

攝影︰林良明