煮場爭霸│洪永城被黃翠如催婚催到發脾氣 Ricky：「試菜唔係試姊妹...」

人氣煮食節目《煮場爭霸》剩餘最後兩集，大家都好緊張到底黃亞保定張錦祥（Ricky）會贏出呢？

昨晚一集邀請黃翠如、洪永城擔任嘉賓，整集的話題都落在洪永城跟女友梁諾妍的婚事上！這一集的材料用上乳豬，正是婚宴上的重要頭盤，翠如說：「洪永城要試菜，你知啦嚟緊婚宴一開頭就有乳豬，希望兩位幫幫手.....」沒想到跟兩位相熟的Ricky說：「今次唔係試姊妹，係試菜！明白！」身旁的洪永城即時向他箍頸施襲，著他不要亂說話，場面非常搞笑！

洪永城揚言有好消息就會跟大家分享，如果乳豬好吃，喜宴上希望兩位師傅幫忙下廚。

煮場爭霸│人氣保哥向低收入家庭捐贈糕點 周六結局到底最終霸主係邊個？【下一頁】

{{hket:inline-image name="139919701_2826299134302504_2975617418865096333_n.jpg"}}{{/hket:inline-image}}

在黃亞保準備菜式期間，翠如和洪永城不斷唇槍舌劍，洪永城揚言自己對食物不太「奄尖」，身旁的翠如踢爆，「講真話啦你！我同洪永城第一次鬧交，就係我強迫佢食咗一串辣魚蛋，佢覺得太辣。第二次幾乎鬧交係因為我唔記得咗佢唔食海鮮，佢唔『奄尖』？只係發脾氣之嘛！」

當Ricky切辣椒時，翠如再提到：「洪永城唔食得辣呀，食辣佢會嬲！」洪永城發脾氣說：「講夠未呀小器鬼，講咗廿幾三十年你悶唔悶呀？你唔悶我都悶，廚師都悶啦，觀眾都悶啦，搞錯呀你！」翠如沒有理會他，繼續反笑他才是「小器鬼」。到最後試食時，翠如扮作身處中式婚宴，開席時用叉敲杯避開「敏感字眼」說，「識你咁多年，傷害過咁多（叮叮），而家終於同一個（叮叮）修成正果，以後唔好再傷害（叮叮）嘞……」洪永城反問：「你係咪想下一個去嘅係喪禮？」

二人試食保哥炮製的乳豬多士時，翠如繼續狙擊洪永城，指很適合成為婚宴菜式，男方忍不住說︰「你唔好係咁喺度講啦！講到我都唔想結喇！你想點呀？」翠如說：「我成日好想講，真係有老懷安慰嘅感覺，我點都要睇埋你結婚先死！」

（↓點擊圖片放大↓）

《煮場爭霸》安德尊與李錦聯再次廚房重逢 毒舌句句有骨 兩位師傅投晒降【下一頁】

37歲的洪永城跟33歲模特兒女友梁諾妍（Inez）拍拖兩年多以來感情穩定，早就共賦同居，疫情期間，兩人未能去旅行拍拖，男方就乖乖跟熱愛跑步的Inez一齊跑，不時在社交平台分享合照放閃。Inez日前生日，男朋友特別陪她到離島遊玩，並說幫女友拍到一張心水靚相，就是最佳禮物，絕對「閃盲」不少網友！

洪永城近年多次被追問婚期，他表示自己若然結婚，這種開心事一定會公告天下。

（↓點擊圖片放大↓）

責任編輯：楊安莉