鄭融身形細細粒 爆童顏不老秘密 無懼被套光環：冇諗過行差踏錯

36歲的鄭融出道18年依然童顏不變，她Keep住青春的秘訣是甚麼？阿融憑新歌《多喝水》寄意：「我個人如果一缺水，個肚就感覺好似空洞洞咁，只要飲番杯水個人就會舒服晒。」飲水可以美顏，飲食習慣同樣需要調節，她說：「食多咗好多魚，少食咗紅肉，主要食魚同雞，出街同朋友食飯都會食少少紅肉，但自己煮就可免則免。」

{{hket:inline-image name="06.JPG"}}{{/hket:inline-image}}

鄭融表示水是最天然的美顏秘方，各位女士們要靚就要多喝水啦!（圖片：晴報）

{{hket:inline-image name="20.jpg"}}{{/hket:inline-image}}

鄭融被網民封為「教育系歌手」感到一頭霧水。（圖片：晴報）

談到她的良好飲食習是否受身邊人影響時，阿融笑道：「自己身體自己搞，純粹係感覺到身體有呢個需要，每個階段同年齡係食嘅方面都會有變化，我轉咗食白肉後，畀我感覺係舒服啲、敏銳啲，其實大家要多啲去聆聽自己身體嘅感覺。食魚會我整個人輕鬆啲，食紅肉可能要消化耐啲、消耗多啲能量，變咗容易攰同好想瞓覺！」要健康，除了在飲食方面著手，還要有早睡早起的習慣：「我好想可以每日6點半起身，落街跑步同放狗，雖然未可以每日都做得到，但慢慢嚟啦。」

在疫情下阿融和很多人一樣廚藝突飛猛進，並拍自家製作「融入家中」的煮食片上YouTube分享廚藝，「我都係上網搵食譜跟住煮，煮唔難，反而買餸辛苦啲，我好佩服啲家庭主婦，佢哋邊煮邊拍片好犀利，我嘅目標係每個月拍一條煮食片上網。」雖然暫時阿融的煮食片不多，但網民反應正面，留言稱讚阿融廚藝似模似樣。

（↓點擊放大睇圖片↓）

鄭融領養8歲格力犬： 「佢唔係洗衣機 唔使睇年期」 【下一頁】

難怪阿融說喜歡睇網民留言，正所謂「識睇一定睇留言」，她亦從網民的留言中，得悉自己被封為「教育系歌手」：「開頭都唔明何謂教育系歌手？原來佢哋話我好多歌嘅歌詞都有教育嘅訊息，好似《紅綠燈》…明明綠燈轉眼變成紅燈…到《健康教育》…一切防禦的針注射過…一天喝八杯水…，自己收到歌詞都覺得幾得意，但冇諗過網民會覺得係教育系，只可以話有時網民比自己更心水清，而我唱嘅歌令佢哋有共鳴。」對網民給予她的「教育系光環」，可會構成壓力？阿融表示：「我覺得會因此而多啲動力，從來冇諗過行差踏錯，我覺得仲有空間再去進步。」

撰文 ：衛紫敏

攝影 ：良明

場地提供 ： Da Filippo Trattoria @ Harbour City

煮場爭霸│洪永城被黃翠如催婚催到發脾氣 Ricky：「試菜唔係試姊妹...」【下一頁】