#後生仔傾吓偈│爆選美新抱做司儀被富貴奶奶嫌 麥玲玲道盡嫁入豪門三大條件

著名風水玄學家麥玲玲近日獲邀出席《#後生仔傾吓偈》節目錄影，一連兩集大談感情問題，沒想到一向敢言的麥玲玲除了分享自己的感情故事之餘，閱人無數的她大談每個女仔「我要嫁個有錢人」的夢想，原來都有特定的條件和攻略。提到大家最想另一半的職業，麥玲玲說公務員、大機構員工或醫生是最穩陣，馮盈盈舊愛寶寶正是醫生，她即時大發雷霆尖叫：「我唔要呀！最怕嗰啲On Call 360，真係激死我！」玲玲解釋私人醫生大多數都留在診所，反而醫生太太可以盡情出去玩。

#後生仔傾吓偈│麥玲玲柏拉圖戀愛唔係郁啲上床 拒報拍拖次數： 「我咁靚點數啫？」【下一頁】

{{hket:inline-image name="ying6.jpg"}}{{/hket:inline-image}}

聽到馮盈盈揚言不能接受這個年紀就嫁人兼相夫教子，希望繼續工作來肯定自己的價值。麥玲玲笑盈盈接觸得有錢人少，事關身家豐厚的背景下，怎會有人願意打工賺十幾萬？麥玲玲大爆嫁入豪門有三大條件：「靚係必須嘅，一代醜新抱，十代醜兒孫，如果新抱唔靚，溝咗（基因）落嚟呢，連續十代都醜樣晒！學歷係嫁妝，你簡簡單單都要讀埋個碩士，碩士就夠，博士佢哋覺得反而係多咗，讀得太多都鬧。另外，拋頭露面就真係唔鍾意，要不得。」

麥玲玲大爆有次一位選美出身的女仔被富家奶奶嫌，她說：「我有個客好有錢，佢個仔同個好靚嘅女仔一齊，唔係藝人不過就選美出身，國際性選美，但佢同我訴苦，話新抱出嚟做司儀就失禮人啦！我哋成班阿太食飯，我覺得個女仔幾好，又靚又係博士生畢業，對文化藝術解說得好，但有錢人想法唔係咁。佢哋覺得我哋喺度食，點解個新抱要去做主持呢？咁咪唔好睇囉！」她表示有錢人的家庭都需要管理，所以嫁得好又守得到的女生，做事都很有條理。」

（↓點擊圖片放大↓）

馮盈盈疑棄大隻鄭衍峰另結新歡 與西裝男撐枱腳豪歎米芝蓮餐廳【下一頁】

盈盈自爆每位追求者都愛迫她盡快結婚，令她非常苦惱，麥玲玲笑言只是男人的甜言蜜語，真正想結婚的人未必會掛在口邊，開口講可能只是想派定心丸，扮到好認真對待感情。麥玲玲說：「你唔覺得閃婚嗰啲都好容易出事呀咩？」盈盈即時支持表示：「係呀，我覺得閃婚都會出事！」盈盈的醫生舊愛鍾文浩（寶寶）月初跟拍拖僅僅數月的「翻版徐子淇」黃潁妍舉行婚禮，正式拉埋天窗，當時盈盈回應其婚訊時稱向他送上祝福。

（↓點擊圖片放大↓）

責任編輯：楊安莉