移居大馬做少奶奶│張鳳妮患新冠肺炎靠自律無惹家人 「幸好我係香港人好敏感」

54歲的藝人張鳳妮參與1987年香港小姐競選入行，後來在馬來亞西工作認識現時的丈夫，就隨夫婿移居馬來西亞近24年，她誕下三女後落地生根，不過由於家人仍然在香港，她不時都會返港探望老友。近來，張鳳妮獲《夢飛行垃垃雜雜》YouTube頻道邀請，拍片教大家煮馬來西亞菜式，過往教大家炮製海南雞飯、斑蘭蛋糕等等，絕對是入得廚房出得廳堂的少奶奶。

【87年香港小姐】張鳳妮開YouTube教整馬拉菜 三女靚樣曝光似足媽咪有氣質【下一頁】

{{hket:inline-image name="CONNIE1.jpg"}}{{/hket:inline-image}}

今日在《夢飛行垃垃雜雜》突然上載一段Zoom視像對話的片段，原來張鳳妮在馬來西亞不幸患上新冠肺炎，原定為大家拍攝新一條講及馬來西亞樓價的片段，都無辦法完成。她接受《夢》負責人Connie訪問，談到患病的康復過程。身處吉隆坡的張鳳妮狀態非常不錯，面色紅潤，精神奕奕，她說：「我好好彩，好快就已經康復。應該係除夕派對入面，我哋總共有8個人，每張枱坐6至8個人，雖然有一定社交距離，但侍應們都喺範圍入面四圍走。我哋八個人入面都有三個感染，但我算係康復得不錯，另一位女士就比較嚴重。」

鳳妮表示自己初初都在家隔離，因為沒有任何病徵，她說：「2號我做測試，結果呈陰性，但我係香港人嘛，我好敏感，但同場有人都中咗，點會我冇事呢？會唔會係未病發呢？所以我困咗自己喺屋企間房，我小朋友仲同我講：『媽咪你係陰性』，我話好難講，因為潛伏期好長。如果我唔困住自己就慘喇，因為我5號開始發燒，我再做一次測試，結果係陽性，我中咗新冠肺炎，好彩2至5號我都困自己喺房，如果唔係，我個女、工人同司機都會中埋。」她表示自己起初完全沒有病徵，直至後來11、12號開始發燒，14號開始失去嗅覺，醫生判定她54歲是高危人士，安排她送院接受治療。

【被譽為最高質的87年香港小姐】林穎嫺訪問張鳳妮談過埠新娘生活 計劃搵齊同屆港姐網上重聚【下一頁】

鳳妮表示自己住院期間要吸氧氣，但不需要用藥就幸運地退燒，4日後就已經可以出院。鳳妮表示由於有抗體，出院後已經立即可以與家人食飯，她說：「出院時，醫護人院攬住我，佢哋仲叫我去Shopping，開心啦！佢話我係有抗體，啲人見到你仲開心過見到陰性嘅人。」

鳳妮稱馬來西亞的測試很昂貴，政府和人民不是人人都負擔得起，所以測試量很低，她有朋友測試時發現已經有抗體，即時已經患完病並康復都不知道。她認為：「數字好似好低咁，18萬4千幾人，馬來西亞咁大，點可能得咁少？馬來西亞政府都盡咗力，做得唔錯喇！我掛住家人，好掛住你哋同嘢食，大家保重，Stay Safe！」

責任編輯：楊安莉