Ricky憑龍躉扣關鍵兩票贏保哥 張錦祥13歲輟學做學徒捱起

無綫烹飪節目《煮場爭霸》播出後，兩位大廚張綿祥（Ricky)和黃亞保（保哥)大鬥廚藝，節目受觀眾歡迎，兩人亦人氣爆燈。經過24集的廚藝大比拼鬥得難分難解，昨晚終播出兩人「終極之戰」，請來黎諾懿和陳敏之任壓軸評判，挑戰兩人味蕾。

{{hket:inline-image name="50.jpg"}}{{/hket:inline-image}}

觀眾追足25集的《煮場爭霸》去到最終回，Ricky和保哥決一勝負。(圖片：電視截圖)

{{hket:inline-image name="51.jpg"}}{{/hket:inline-image}}

作戰食材係龍躉扣，大家食過味?(圖片：電視截圖)

煮場爭霸│洪永城被黃翠如催婚催到發脾氣 Ricky：「試菜唔係試姊妹...」【下一頁】

今次作戰食材是龍躉扣，即是魚的胃，見到龍躉扣Ricky當堂嚇窒：「有啲難度，我幾十年煮西餐都未煮過龍躉扣。」似乎對擅長煮中菜的保哥，要煮龍躉扣有著數。保哥決定煮一道「生滾龍躉扣魚皮粥」：「節目入面粉麵飯都整過，咁龍躉扣就用嚟熬粥啦。」他加入梭羅魚和龍蠆骨配菜，齋睇已經魚鮮味十足，及用珍珠米來烋粥，Ricky亦讚保哥善用食材：「諗到用珍珠米好犀利，煲出嚟嘅質感會又綿又香又滑，無得頂。」

然而總分以一票之差落後的Ricky，面對重未煮過的龍躉扣，完全考他大廚功力，Ricky決定煮一道「泰式酥皮龍躉扣湯」，他望著黎諾懿笑言：「見你打開個箱入面係龍躉扣，我心諗咁熟嘅Buddy你咁整蠱我，有冇人喺西餐廳食過龍躉扣？」黎諾懿對Ricky信心十足說：「可能你創到一個新菜式出嚟，掂咗，仲要多謝我呀。」Ricky除了龍躉扣，還加入龍躉肉及背鰭將它肉，再以冬蔭功做湯底做酥皮湯，將中式食材用西式烹調，完全昇華到另一個層次。

（↓點擊圖片放大↓）

Ricky和保哥的「最極菜式」大功告成 ，輪到評判黎諾懿和陳敏之大傷腦筋，指保哥的龍躉扣粥夠綿又有魚鮮味，而Ricky的酥皮龍躉扣湯 ,加入泰式煮法，沒有魚腥味，又有口感。不過，始終要分勝負，兩人的關鍵2票投給了Ricky，總成績21票對22票，Ricky成為「煮場之霸」。

成功奪冠的Ricky賽後表示：「贏獎好意外，我覺得拍咗咁多集，保哥係用好多心機同努力喺自己食材上面，我好開心喺呢個節目，可以同保哥一齊玩，大家又可以學到嘢，煮嘢食係分享快樂，大家交流下廚藝。」保哥雖然落敗，但他沒有失望表示：「好多朋友話我過度緊張，其實我唔識講嘢，所以情願唔講，專心去烹，我唔係緊張輸贏，而係想過程中要萬無失，對自己，對公司有交代。」

成為「煮場之霸」的Ricky，原來出生於飲食世家，叔父、伯父和表哥都是西廚，令他細細個已立志當廚師，當他13歲時候，便向做酒樓樓面的父親提出輟學去當廚房學徒，之後他跟表叔到俄羅斯學西餐，後來轉到酒店的法國餐廳再學師，最後成為大廚，更開設自己的私房菜，因廚藝了得吸引不少名人明星幫襯，更邀請他拍煮食節目令大眾認識。

（↓點擊圖片放大↓）

撰文：衛紫敏

61歲周文健孟波形象冇得輸 盤點巨星 發哥親民 DoDo最認叻 【下一頁】