生活艱難｜外賣員送錯貴4倍訂單客人拒應門 鄰居嘆：一個大男人企喺出面喊

新冠肺炎疫情下經濟不景，本港的失業率更是創下16年新高，不少人轉而做外賣員幫補家計、應付生活。一名網民昨日（6日）發帖，指居於元朗的妹妹目睹一名外賣員送錯客人訂單，而該訂單的價值更是貴3、4倍；即使他折返拍門並致電收錯食物的客人，對方大門依然緊閉，「結果一個大男人企喺出面喊」，令人為之心痛。所幸一眾鄰居看不過眼出手相助，而涉事外賣平台事後亦表明該名外賣員不需作出任何賠償。

一名男網民昨日在Facebook發帖，指居於元朗的妹妹告知，有一名外賣員將訂單錯送給她的鄰居，訂單價值更是貴3、4倍；隨後外賣員多次折返拍門及打電話，

「點知拍極門無人應，電話唔聽……結果一個大男人企喺出面喊。」

如是者過了2至3小時，外賣員再度折返，「去拍門試吓收唔收得番錢」。事主妹妹見狀後，立即出門上前伸出援手，

「諗住擺低錢幫吓佢，但個男人又唔肯收，附近其他鄰居都睇唔過眼，一直係咁幫手拍門叫嗰間屋嘅人出嚟。」

對此，事主坦言自己「聽到都心痛」，「心諗幾百蚊之嘛，我都問要幾多錢，我包底找咗佢，結果好多鄰居都想幫佢找咗佢（款項）。」不過，該名外賣員卻不接受別人幫助。

{{hket:inline-image name="mo070220213.jpg"}}{{/hket:inline-image}}

事主妹妹事後向外賣員所屬外賣平台說明事件及求情。（Facebook圖片）

對於錯收外賣者，事主質疑對方錯收外賣後，為何過了良久仍不知道「錯咗要處理」，

「電話唔聽，門唔應，真係無心？老實講住得喺到環境唔會太差，嗰幾嚿水唔係貪吓嘛？你可能覺得好小事，但送貨畀你嗰個，唔（係）無咗份工，都無咗成罐奶粉錢+尿片錢有凸啊陰功……」

此事引來網民熱議，不少人為外賣員的遭遇大感心痛，又認為錯收外賣者若果是明知收錯卻特地不處理，則行為可恥，「以往經驗所見，呢類貪小便宜嘅人最後會發生一啲事令佢嘔凸番貪咗嘅出嚟」、「真係cheap到盡頭」、「人渣嚟㗎喎，食完唔怕肚屙」、「人哋為生活啫，何必咁搞人」、「祝你好人有好報，希望個外賣員冇事」。

對於網民的留言，事主及其妹妹亦作出以下回應：

（↓點擊圖片放大↓）

（↓點擊圖片放大↓）

對於今次事件，外賣員所屬的foodpanda事後回覆傳媒查詢時表示，派單組已即時主動聯絡該名外賣員並提供相應支援，又強調外賣員不需要作出任何賠償，受影響的顧客亦得到相應賠償，同時又讚賞該名外賣員專業。

5旬高層人夫疫情下被裁，搵工屢碰壁用儲蓄供樓，為養家放下身段做「步兵」送外賣，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴