3年情玩完︳阮兒與衛志豪試婚失敗變分手 搬離愛巢：「暫時冷靜吓先…」

33歲阮兒和衛志豪相戀3年突然爆「分」訊，雖然兩人年齡差距13年，但拍拖以來予人打風打唔甩感覺，並過著同居生活令大家以為兩人好事近，加上他們曾「情侶檔」到荷蘭拍攝旅遊節目《到此一遊》，節目上月才於無綫播出，在鏡頭前還恩愛放閃，未料到兩人感情早已生變。

{{hket:inline-image name="15.jpg"}}{{/hket:inline-image}}

阮兒和衛志豪去年為旅遊節目《到此一遊》到荷蘭邊工作邊拍拖，估不到兩人終於分手收場。（圖片 ：電視截圖)

{{hket:inline-image name="02.jpg"}}{{/hket:inline-image}}

阮兒少了惜日笑容，並承認與衛志豪已經分手。（圖片 ：東星)

阮兒一年生蛇十幾次要醫足兩年 陷入人生低潮：覺得我好唔靚 【下一頁】

阮兒今日（2月7日）現身新店開張活動，當大家問起她男友衛志豪時，阮兒表現得支吾以對，與往時的甜蜜笑臉，明顯有好大落差，幾經追問下，阮兒竟承認已經回復單身：「新年、情人節都會喺工作中度過，同埋要搬屋。」對於分手一事，阮兒強調與第三者無關：「係和平分手，將來嘅嘢真係唔知，而家真需要沉澱下，暫時係冷靜期。」阮兒表示分手已有一段時間，並非突然。講到兩人一向糖黐豆甜蜜蜜，感情穩定，她笑道：「都好耐之前啦，哈！」她已搬離愛巢，亦已習慣一個人生活：「因為我都有好多朋友陪，同埋都有好多工作要做。」

大家提議阮兒趁農曆新年在桃花下繞圈行，催旺桃花，阮兒對覓新戀情亦抱開放態度，笑言：「買1棵唔夠喎！我諗我要買10棵先得！咁唔止拍拖，其實好多嘢都關人緣事，新一年希望所有事情都會好。」

至於阮兒的IG一連幾個Po都放黑白照，當中收到好友送她的紅玫瑰及蛋糕，她都將相片變成黑白相上載，到第二張相才變回彩色相，未知是否與分手心情有關。

（↓點擊放大睇圖片↓）

撰文：衛紫敏

61歲周文健孟波形象冇得輸 盤點巨星 發哥親民 DoDo最認叻 【下一頁】