孫慧雪驚聞失散20年母親離世 傷心崩潰：「冇機會照顧佢…」

孫慧雪小時候父母離異，由嫲嫲一手湊大。阿雪曾透露好想尋找失散多年的媽媽，希望再續母女緣。去年阿雪疫情下在酒店自我隔離時，其表弟透過在社交平台聯絡她，問她：「想唔想見番媽咪？」當阿雪以為終於有機會母女團聚時，沒想到傳來的竟然是一張墓碑相。原來阿雪的媽媽早在20年前離世，她瞬間傷心崩潰，像從天堂跌落地獄。

{{hket:inline-image name="20.jpg"}}{{/hket:inline-image}}

阿雪得知失聯多年的媽媽已離世，感到難以接受。（圖片︰網上截圖)

{{hket:inline-image name="21.jpg"}}{{/hket:inline-image}}

阿雪在單親家庭長大，由嫲嫲一手帶大。（圖片︰網上圖片)

多年來，阿雪以為媽媽因為不斷搬屋而沒有跟自己聯絡，她一直幻想會有母女重遇的一天。她接受《晴報》訪問時表示：「自己好多時會諗，點解媽媽唔搵番我呢？會唔會有一日喺街上撞到佢？太耐冇見佢，見番面自己又識唔識面對？媽媽又有冇留意我拍劇拍戲呢？」原來種種假設都想得美好了，還一直以為媽媽活得很好：「仲諗緊會唔會有機會照顧佢！」媽媽已離世的消息令阿雪措手不及：「反應唔嚟！件事係有啲消化唔到，呆咗一陣先喊出嚟！不過生活都係要咁過，活在當下，好好照顧嫲嫲、爸爸同囝囝，珍惜而家擁有嘅嘢！」巧合的是，媽媽離世時是38歲，她收到媽媽離世的消息亦是38歲。

之後，阿雪和舅父曾到媽媽的墓前拜祭，她不清楚媽媽的死因，相信是心臟麻痺。阿雪早前為方紹聰（奶仔）主持的J2台節目《野外步出》做嘉賓，提及媽媽離世一事時，透露自己都有心臟病，需要長期服食心臟藥物，她說：「之前做身體檢查，照心電圖發現有心臟速跳，跳得好混亂，原來有條重要血管塞咗50%！我本身低血壓同低膽固醇，醫生仲一度以為畀錯報告我，最後發現我有先天性血管收縮。」心臟有問題的她為節目搵命搏，大膽和奶仔玩高危攀石運動，相當專業。

（↓點擊圖片放大↓）

【有第二胎？】孫慧雪著緊身旗袍跳舞忘晒形 減完肥回塘凸腩激似懷孕4個月 【下一頁】

今日（2月7日）阿雪在社交網絡上報平安，寫著：「大家睇到報道，可能有啲擔心，我真係ok！唔使擔心呀！而且件事已經發生咗一段時間，感受亦經已沉澱，身體方面都ok呀！唔係想像中咁嚴重㗎！只係拍攝前要同工作人員交代一下，結果就喺節目中透露咗病情，其實唔係咁大件事，我都係咁健康開心，所以大家可以放心放心。」網民紛紛留言給她祝福和打氣，叫她要樂觀面對，健康快樂最緊要。

娛樂圈有不少藝人都像阿雪一樣，是來自單親家庭的。吳綺莉上月接到失蹤37年的生父來電問候，其父幾十年生來居於美國，亦沒有回港和她生活的打算；此外，黃秋生在2018年透過BBC的報道，成功得知生父的消息，並且與居於英國的兩位同父異母哥哥相認。

（↓點擊圖片放大↓）

撰文：衛紫敏

61歲周文健孟波形象冇得輸 盤點巨星 發哥親民 DoDo最認叻 【下一頁】