藝人過年習俗 牛女陳煒碌柚葉沖涼洗走衰氣

牛年將至，原來圈中有不少牛仔牛女，除了出名勤力如牛的天王劉德華外，陳煒、謝東閔及應屆港姐季軍郭柏妍同樣屬牛。來到本命年，三位牛朋友原來各有不同的過年習俗，煒哥跟足北方人媽媽傳統食餃子慶祝外，又會用碌柚葉洗澡；郭柏妍雖然是三人中最年輕，但原來最迷信，打算大變身迎接牛年。

陳煒向來入得廚房、出得廳堂，由於媽媽是北方人，所以煒哥過往在農曆新年都會依足北方傳統，家家戶戶包自家餃子，一家人團聚食餃，每人捧着熱騰騰的餃子，溫暖在心頭。本身是包餃子熟手技工的煒哥，除了擅長炮製傳統韭菜豬肉味道外，又曾在飲食節目《食得好健康》中，親自示範極有創意的羽衣甘藍餃子，看來甚麼食材也難不到她。

煒哥說：「往年新年都會包餃子，今年預計有三日假期，但假期後我要開工拍新劇《黯夜守護者》，放假都要為劇集做準備，所以都未知有無時間包餃子呢。」工作不斷的煒哥自言不算迷信，但過年前都必定會用碌柚葉沖涼。她笑言︰「始終都想將過去一年唔好嘅運氣趕走，加上牛年犯太歲，可以跟番傳統習俗做少少嘢，用碌柚葉沖涼其實最簡單，最重要都係求心安理得。」

謝東閔︰一定着全套新衫

「牛仔」謝東閔今年踏入36歲，對於本命年犯太歲，他表示不會太在意：「我覺得係心理作用，不過屋企人會幫我攝太歲，以往年三十晚我都會去拜神，主要求來年工作順利。」他自言從小去英國讀書，所以小時候過年都沒有熱鬧氣氛，反而回港入娛樂圈後，才感受到新年的喜氣洋洋。

東閔說：「回港之後，每年新年都係同親友相聚嘅難得機會，所以我都幾鍾意過年，但係疫情關係，今年未必能夠同親友慶祝，但無論如何，都希望身邊所有親人朋友都身體健康。」雖然他是「番書仔」一名，但亦會跟足傳統過年習俗：「我會由內到外都換過晒全新嘅衣物，不過大年初一唔洗頭，真係有難度，呢樣我就無跟。」

郭柏妍：想染一頭紅髮擋災

應屆港姐季軍郭柏妍（Rosita）年紀輕輕，但原來相當迷信，會物色對自己生肖有幫助的飾物：「如果知道來年運程唔好都會擔心，所以每年都睇運程書，同埋盡可能做啲嘢，希望改善運程，最直接就係參考邊個生肖對自己有利，或者可以阻擋厄運，例如知道老鼠吊飾同牛好夾，我就會戴老鼠形狀嘅飾物，雖然我好驚老鼠，哈哈！」

Rosita笑言讀書時已經戴生肖飾物，但被同學取笑她奇怪，問她牛年會做甚麼事催旺自己運氣？她笑說：「今年我有諗過染一頭紅髮過年，既可以擋災，又有新年氣氛！」

採訪︰Pauline

編輯：李潔盈

美術：梁政敏