Master's Talk│朱千雪揚言入行8年從沒有追求者 湯洛雯爆真相：男拍檔都冇佢電話

32歲的朱千雪跟圈外青梅竹馬醫生老公吳昆倫（Justin）結婚一年半，而她亦正式掛牌成為執業大律師，主要負責民事及刑事訴訟。不少粉絲都擔心千雪是否退出幕前的工作，她近日與「2Line黨」成員湯洛雯、岑杏賢和蔣家旻一齊接受林盛斌（Bob）和麥玲玲主持的《Master's Talk》（《師父有請》）訪問，千雪說：「我仲想做呀，不過家庭同事業要平衡，以前係事業以外就自己煲劇，而家係事業以外，老公想煲咩劇就一齊煲，工作上無分別。」提到生小朋友，千雪說：「我好驚生BB係因為我怕肥，我未生已經被傳媒講到我起碼生咗3件咁，話我有咗5個月，傳聞真到連我自己都猶豫！」

【民選港姐】朱千雪正式成執業大律師主打咩案？ 網民讚真女神美貌與智慧並重【下一頁】

{{hket:inline-image name="_DSC1758.JPG"}}{{/hket:inline-image}}

四位好姊妹被封為「2Line黨」，但她們表示不承認這個封號，靚湯自爆：「我哋私底下個群姐名叫『幸福公主』，除咗我哋仲有張嘉兒。」提到千雪和岑杏賢都嫁得不錯，跟醫生和金融界才俊結婚，岑杏賢直認是「外貌協會」，後來認識老公之後，發覺他簡直是「極品」。至於千雪一向被形容為圈中女神，問到拍拖是否有壓力？她解釋：「我入行8年來冇被人追過。」身旁的湯洛雯忍不住踢爆千雪說：「我知點解，如果有人主動問佢攞電話，佢會答人：『你Send e-mail畀我啦！』咁。」千雪解釋：「因為我覺得自己唔係好鍾意識好多人，呢個朋友圈舒服就圍繞住，咁我同而家老公細細個就認識，感覺好安全，同埋唔需要用好多時間去認識大家，咁多年遠距離戀愛我都好信佢，佢亦好信我。其實最衰嘅一次，有個人同我合照，影完張相，佢問我攞電話想WhatsApp番張相畀我，我話：『唔使喇，張相你Keep啦！』就算拍劇男拍檔嘅電話都冇，唔需要嘛，要聯絡會搵PA（助理編導）呀嘛！唔係冷漠，只係心態上覺得無需要，就算未正式拍拖前，我個人本身性格就係咁，所以同我老公傾偈好舒服，唔使好深入了解，又唔驚佢呃我。」

湯洛雯大讚朱千雪是好女仔，如果遇到拍劇有性感或者接吻場口，她都會堅定地拒絕，其他姊妹都點頭，更指她很理智，絕對不會戲假情真。朱千雪說：「如果可以唔需要就最好唔好。有場戲安排我喺天台跌落去時，男主角要扯住我，扯爛件衫，見到露膊好性感咁。我唔係唔想性感，而係我又唔係瘦，做嚟都嘥氣啦！我就將裡面件背心同外面件背心縫埋佢，扯極都係見到少少膊頭，而且我又怕被人cap圖，話我手臂肥。」Bob對於千雪拒吻大為驚訝，千雪解釋拍拖前拍劇有錫過，但拍拖後就盡量拒絕，她說：「可能我啲戲太差冇人會再搵我，如果我有腹肌同40吋腿可能唔同講法。」湯洛雯笑千雪因而轉行，做律師可以包實全身，戴埋口罩。

（↓點擊圖片放大↓）

【多圖】朱千雪峇里浪漫圓婚 圈中好姊妹感動見證【下一頁】

至於口多多的湯洛雯被追問跟馬國明的進展時，她說：「我比較鍾意搵個似我爹地嘅人，因為我阿爸係一個好乖、好錫屋企嘅人，我想搵類似...（被催婚好大壓力？）唔係好大壓力，係問到有少少厭，有少少答到呆咗。次次都問，答咗唔係，我女仔嚟呀嘛，人哋都未求婚，咁我點答你啫？訂婚一定會講，大家唔使再問，一定公開，（又用公仔表達？）你唔好理啦，唔好褻瀆我兩隻公仔。」

麥玲玲表示如果女星在娛樂圈做到一線好紅的話，就一定不會嫁得好，因為兩粒星是相沖，除非結婚後急流勇退，而四女的命盤所計，蔣家旻是最適合在娛樂圈發展，將來婚姻要嫁得遠，才能開花結果。

（↓點擊圖片放大↓）

責任編輯：楊安莉