單親媽媽│拍拖一個月始知女友育2歲兒 港男怨同事亂作媒人：擺明玩我

不少人都透過朋友介紹認識另一半，但一位港男近日抱怨，指透過同事介紹結識現任女友，惟雙方拍拖一個月，始知對方育有一名2歲多兒子。事主懷疑同事刻意隱瞞女友是單親媽媽一事，向其對質時反被指責「冇道德」，他批評對方亂點鴛鴦，並對陷於兩難局面感懊惱。

該名港男在「香港討論區」以「拍咗拖一個月，發現原來女朋友有個仔」為題發帖，指早前應約與同事行山，期間結識同事的女友人。他指同事行山後先行離開，故意為二人製造機會，他亦順理成章送對方回家，並應對方邀請，晚上買外賣到其家中進食，二人一拍即合，很快便墮入愛河。

女友自爆已為人母

事主透露，二人拍拖一個月以來，女友不時提起自己以前遇人不淑，被人欺騙感情，希望男友不介意自己的過去，事主也表示包容理解：「我都知邊個人冇過去呀，人生流流長總會遇幾個人渣。」然而，有次女友卻突然提及自己育有一名兒子，令事主感到晴天霹靂，

「點知有日佢同我講，呢個星期六日要接個仔返屋企住兩日，呢兩日唔方便上去佢度。我當場打咗個突，以為自己聽錯，仲問佢係唔係佢個仔。」

質問同事反遭斥責

當時他始知女友原來是單親媽媽，育有一名2歲多兒子，平時交由母親照顧，偶爾才接回家。雖然事主認為女友並非存心欺騙，但一時之間實在難以接受，「佢仲以為我同事有同我講，咁我當時就冇出聲。」他認為該名同事有意隱瞞女友的背景，故返回公司後向其質問，未料反遭對方指摘：

「個同事覺得冇問題不特止，仲要同我講『如果因為人哋有仔你就唔要人，你真係好冇道德』。」

事主坦言，雖然很喜歡女友，但無法接受對方已為人母，並為此感到相當煩惱，埋怨同事令自己陷入兩難局面，

「呢個同事真係冇朋友，佢擺明玩X我，問題係女朋友應該點處理好？」

網民：唔接受應及時分手

對此，網民都批評其同事存心暪騙，令事主進退兩難，猶如中「天仙局」。不少網民建議，若事主不能接受女友的兒子，應及早分手以免傷害對方；另有人認為，事主可嘗試與其兒子相處，再作定論：

（↓點擊圖片放大↓）

有錢女友擁2層樓做嫁妝不求聘禮，準外父列3大條件未婚夫嘆傷自尊，詳情即睇：【下一頁】