鄭伊健泵水撐老婆日本開公司 蒙嘉慧做「地產大亨」為港人服務

拍攝《樓住有情人》時飾演地產經紀嘅蒙嘉慧（Yoyo）「人生如戲」，近年好少有幕前演出原來偷偷雞做咗老闆娘，喺日本經營房地產公司，仲親身拍片推廣日本文化，真係仆心仆命！

{{hket:inline-image name="000010670685_1543314370.jpg"}}{{/hket:inline-image}}

據知伊健對於老婆創業都瞓身支持，豪擲7位數子打本畀佢盡情發揮，經過一年時間營運，生意都算唔錯，冇受疫情太大影響。蒙嘉慧同老公鄭伊健素來都有日本有情意結，2013年二人喺東京舉行婚禮，又經常孖公仔到當地旅遊，疫情爆發前，來來回回一年間都有一半時間喺日本。有指佢哋一直嚮往日本生活，並早已於當地置業，經過多年觀察，Yoyo睇好福岡樓市前景，加上已有幾間屋收租，所以下定決心大展拳腳！

（↓點擊放大睇圖片↓）

根據Yoyo的「八方不動產株式會社」嘅Facebook網上專頁顯示，公司主打福岡生意，除了樓盤介紹外，亦有講解當地文化、物業管理、升學及移民事宜，並指明公司乃日本國土交通省「全國宅地建物取引業保証協會」會員及領有日本不動產牌照，為有意在當地投資及置業的人士提供專業意見，為免言語不通，更會安排全程廣東話溝通。

最近Yoyo不時現身專頁拍片做生招牌為公司宣傳，分享由福岡空運到港嘅美食「開箱，又拍片訪問移居當地嘅好友分享生活趣事，非常落力！Yoyo直認睇中福岡，全因當地係佢最喜愛嘅旅遊點，相信有好好嘅發展潛力：「好開心可以藉網上平台同大家分享同交流資訊，多謝大家關注，請多多支持。」