恭喜發財│麥大力謝嘉怡同聲同氣過新年 跟傳統寫揮春 志趣相投最愛係食

恭喜發財！祝各位《晴報》讀者牛年快樂，大家都身體健康，百毒不侵！過去一年，應屆香港小姐冠軍謝嘉怡和特備節目《衝上雲霄大選》冠軍得主麥大力，先後成為電視觀眾的話題人物。兩位俊男美女同樣是混血兒，而且廣東話麻麻地，結果意外地表現出可愛的一面，大受歡迎。兩人在外國長大，對於中文字幾乎是一竅不通，當他們錄影講恭賀說話時，不時要NG好幾次才能成功，非常搞笑有趣！

{{hket:youtube id="AyE6YZmDnEw"}}{{/hket:youtube}}

啱晒Channel│麥大力正式踩入明珠台做主持 夥拍時尚靚女係「亞洲皇后」？【下一頁】

麥大力、謝嘉怡首次挑戰在傳統紅紙上畫牛，麥大力火速將牛油品牌的牛仔畫了出來，而且肚滿腸肥！還加上自己的中文名字「大力」，他一邊寫一邊擔心自己寫錯，多次問經理人到底「寫得啱唔啱」。

而謝嘉怡表示自己畫功很差，最終以幼稚園學生般的畫功，畫出一隻似羊的牛，「呢隻係牛，雖然佢唔似，但佢係。」隨後二人原本要寫揮春，不過在完全不諳中文的情況下，要問道具組借揮春「出貓」照抄！謝嘉怡邊抄邊說：「畀我姑媽見到死梗 (百無禁忌！)，因為細個係佢負責教我寫中文字……」她寫了「五福臨門」，麥大力寫上「招財進寶」，字體的確有待改進，加油加油！

（↓點擊圖片放大↓）

{{hket:inline-image name="SKP05009.jpg"}}{{/hket:inline-image}}

最後一關，安排了麥大力、謝嘉怡在攢盤上選揀喜歡的食物，沒想到男方幾乎講得出多種賀年食品的名稱，更二話不說跟謝嘉怡火速舌吞下油角！食得非常滋味。問到麥大力為何不諳中文都記得如此多的賀年食品？「因為我真係好鍾意食嘢，你見我IG嗰張相就知我細個有幾肥！其他嘢都未必記得咁多，食品我會好記得！」其母親是香港人，他表示小時候，印象中每年年初二都會去婆婆家拜年食飯，大人就打麻雀，他跟表兄弟姊妹就會一齊玩，直至16歲離開香港，「英國都會慶祝，但冇咁大型，而且我屋企得四個人。英國好難買賀年食品，媽咪多數會買黑色瓜子同埋角仔（油角），因佢黑色瓜子易剝，角仔媽咪最鍾意食！」

謝嘉怡表示以往都會由蘇格蘭返港過新年，不過近八年太忙無法返港，所以今年很開心可以跟嫲嫲團年食飯，「今年疫情太嚴重，爸爸返唔到香港，所以我會同嫲嫲、姑姐一齊過節。」

（↓點擊圖片放大↓）

疫情關係，麥大力未能返英國跟父母團年，原本擔任飛機師的他，也不是每年新年、農曆新年都能與家人團聚，「媽咪每年都會畀利是我，包完利是影張相，話等梗我返英國攞。以前做飛機師，我係機師隊長，父母又喺英國，所以新年我都會儘量畀香港人同事放假，陪吓屋企人，自己就舉手返工啦！我都有跟航空公司傳統派利是，派咗好幾年 ; 有個小遊戲嘅，我多數會封兩封100蚊、兩封50蚊，其他就20蚊，等大家自己抽獎，睇吓邊個比較幸運。」

謝嘉怡、麥大力先後入行，兩位混血兒特別同聲同氣，網友都主動做媒人，不斷留言撮合，大讚他們合襯。女方稱同屆的香港小姐都講流利廣東話，「幸好麥大力出現，大家可以一齊努力改進」，男方接著說：「我哋中文都歪歪哋、唔正，平日講嘢我用英文去諗，用半秒時間喺個腦度翻譯，人哋覺得我講嘢好慢，但其實唔係！（網友話你哋好襯）之前同佢喺頒獎典禮影咗幾張相，大家反應令我好受寵若驚。佢好靚，同我一樣講嘢唔正，相處得好舒服。」

（↓點擊圖片放大↓）

香港小姐冠軍│謝嘉怡與港姐們high tea賀新年 貼地打扮別樹一格惹網友討論【下一頁】

不過，謝嘉怡的媽媽就覺得女兒跟麥大力不合襯，謝嘉怡表示︰「媽媽睇到我哋嘅合照，話感覺像兄妹一樣……冇所謂啦，總之好開心，做呢行最重要係網友同粉絲支持，多謝大家咁鍾意我哋個樣同說話方式，我哋會進步，廣東話下年一定會進步好多！」男方自認廣東話不太好，本身以為會惹來批評，沒想到網友的反應好正面，「感覺非常舒服，一定會努力多多進步！」

責任編輯：楊安莉