失憶24小時│郭晉安賤精上身接棒《燕雲台》賀歲劇＝炮灰？ 有信心多人睇

無綫近來頻頻變陣，繼上次臨時抽起劇集《陀槍師姐2021》改播《大步走》，最終又還原基本步，彈出又彈入！

歷史係不斷重演嘅，今次輪到《愛美麗狂想曲》。上月《愛》劇監製羅永賢（Marco）表示已落實2月15日年初四接捧《燕雲台》推出，主要演員陳豪、李佳芯都準備就緒為劇集宣傳，尤其傳出本劇乃女方「解凍」之後的作品 ; 點知埋門一腳，《愛》劇又被臨時被，改播黑色喜劇《失憶24小時》，似乎令觀眾、演員都無所適從！

{{hket:inline-image name="44.jpg"}}{{/hket:inline-image}}

《失憶24小時》下周一 (年初四) 緊接內地劇《燕雲台》播出。(圖片：網上截圖)

{{hket:inline-image name="38.jpg"}}{{/hket:inline-image}}

李佳芯、陳豪主演嘅《愛美麗狂想曲》突然又煞停，唔喺翡翠台播住。(圖片：網上截圖)

《堅離地愛堅離地》大結局｜ 無綫臨時抽起《陀槍》唔播住？ 改播《大步走》發放正能量 【下一頁】

臨急上陣嘅《失憶24小時》，由郭晉安、譚俊彥、譚凱琪和王君馨等演出，安仔飾演口賤賤嘅巿井之徒。故事講述有錢仔譚俊彥同「賤Man」安仔一齊被綁架，引發連串荒誕怪事。安仔繼《白色強人》(2019年) 後再新劇上場，上次演一名為爭權博上位嘅腦神經外科醫生，今次角色180度轉變，演一個巿井大話精，相信這次他的演技又會大爆發！

安仔接受《晴報》訪問，談到很久未有拍攝喜劇，佢話︰「近年我都係拍啲嚴肅嘅劇，好耐無演呢類輕鬆又有搞笑元素嘅人物，今次我演一個低下階層，去呃一個失憶嘅有錢人（譚俊彥），期間有好多唔同事情發生！」安仔演過專業醫生，又演過「阿旺」戇男，今次「賤Man」係一項新挑戰，「我角色講嘢唔經大腦，講對白要好快，冇得慢，所以要同譚俊彥夾得好好，我哋拍對手戲之前，都會排好耐戲！」

（↓點擊放大睇圖片↓）

劇集放喺農曆新年檔期播出，好多時都會被視為「炮灰劇」及「倉底貨」故《失》劇安排喺大年初四播放，安仔又點睇？「新年播都係好檔期，劇集輕輕鬆鬆，相信可以吸引好多人捧場，期望有高收視。」提到接捧佘詩曼內地劇《燕雲台》時段，佢就話︰「睇完古裝，睇時裝劇，畀觀眾多元化選擇，遲啲可能播泰國劇都得，哈哈！」

撰文：衛紫敏

採訪：Steven

梅小惠感激舊愛曾偉權當年保護 「忘記不好的事 否則折磨自己」【下一頁】