否認寸爆醫生舊愛 馮盈盈：祝福佢連生貴子

馮盈盈的醫生舊愛鍾文浩（Martin）上月與拍拖未夠一年的女友閃婚，不過盈盈日前忽然在節目爆出一句「閃婚實出事」，令外間覺得她「唔抵得」而暗寸前度。盈盈昨日出席活動，再三澄清絕無此意，又祝福舊愛婚姻美滿。

馮盈盈日前在節目《#後生仔傾吓偈》中，表示抗拒再找醫生做男友，又指「閃婚實出事」，疑似因「新娘不是我」而酸溜溜，暗寸醫生舊愛鍾文浩閃婚。盈盈昨日與林盛斌（Bob）、薛家燕及衛志豪等出席《送鼠迎牛開運王》拜神儀式，加以否認說：「我絕對無呢個意思，係節目效果，我係講我自己情況，因為我對閃婚比較陌生，我連對象都無。對於Martin，我絕對係大方送上祝福，祝佢同新婚太太恩恩愛愛、甜甜蜜蜜、連生貴子。」

另外，盈盈提到日前在廣東道撞車意外時說：「好多途人見到，仲影咗我相，我個樣真係好慌張。」她表示主動提出賠償：「不過被撞一方話好小事，就化解咗，佢仲叫我努力，期待我攞視后同影后，我哋仲影咗合照。」昨日林盛斌表示要介紹對象給盈盈，盈盈笑說：「我要求搞笑幽默有趣，好似阿Bob咁，𠱁到我開心。外表似阿Bob都無問題，好特別，我鍾意非主流。」

衛志豪無奈「被分手」

同場的衛志豪提到女友阮兒自爆分手時，他相當無奈，暗示「被分手」：「佢（阮兒）話單身，咁我都係單身啦。」他坦言自己以結婚為目標：「我有計劃，只係未落實，亦未求婚。」談到他在二人的關係中十分被動，他說：「男人講太多始終唔係咁好，（分手）當然可惜，始終都有感情，不過依家大家會專心工作，我尊重同接受佢嘅決定。」

採訪︰Pauline

編輯：李潔盈

美術：梁政敏