廚房的匪夷所思│鄭中基自爆食過水曱甴奮勇史 食後感：嗰種糕香味永世都記得

鄭中基去年加入YouTuber行列開設頻道《機動電視台RTV》，他拍攝的內容題材廣泛，講玩講食吹水樣樣有，更推出了一個「匪夷所思系列」，畀網迷分享一下古怪事件。最新一集鄭中基夥拍另一位煮食界YouTuber馬田，一齊在節目大講「一人一個廚房之匪夷所思」。

{{hket:inline-image name="21.jpg"}}{{/hket:inline-image}}

鄭中基今次孖住YouTuber馬田搞邊科?（圖片：電視截圖）

{{hket:inline-image name="15.jpg"}}{{/hket:inline-image}}

鄭中基曾經在《美女廚房》食過唔少暗黑料理。（圖片：東星）

鄭中基爆當年郭富城撩鬥車 最後城城點解調頭走? 【下一頁】

節目中，鄭中基轉述好友谷德昭當年和周星馳、吳孟達一次食飯嘅爆笑事件：「佢哋叫咗碟飯，碟飯好乾，問侍應姐姐攞汁，可能侍應姐姐見到佢哋已經好緊張，口都窒晒問『咁你哋想要咩汁？』，佢哋就話『咁乾，乜汁都得！』估唔到侍應姐姐答『橙汁得唔得？』當堂笑到噴飯。」鄭中基覺得「橙汁撈飯」呢件事，相信係侍應姐姐見到星爺佢哋太緊張先至咁講，我諗佢冇試過攞橙汁畀人撈飯嘅。
講完朋友嘅匪夷所思事件，鄭中基亦有交功課，問馬田有冇食過和味龍（即係水曱甴）？原來鄭中基自己食過，仲大讚係難以形容嘅味道：「嗰種味道我記到而家，未試過食一種嘢係咁嘅味道，係好難解釋。（用蒸定炒？）係椒鹽炒，打開個蓋係成堆曱甴。」鄭中基更繪形繪聲，有晒次序地教大家食水曱甴：「先攞起佢，再搣甩佢個頭，一抽...就連住入面條腸...跟住成條咁放落口吞咗佢。」

（↓點擊圖片放大邊個帶鄭大基食曱甴↓） 

世間美食何其多，點解要食水曱甴？鄭中基話多得導演陳嘉上：「陳嘉上同我講細個時經常食呢味餸，仲要好鍾意食，話用嚟止夜尿，即係佢細個成日瀨尿啦！」講到味道係點？鄭中基竟然記憶猶新：「有一種唔知點嘅香味，好奇怪佢唔臭嘅，好多人覺得肚入面嗰Pat嘢 (即係你打曱甴時爆出嚟嗰啲白色嘢)  就係食佢嘞，嗰堆白色嘢就係有啲香味，係你永世都會記得。」

其實鄭中基都唔係第一次試奇怪食材，最經典係拍電影《低俗喜劇》時食「牛歡喜（牛陰唇）」，佢曾經有講番，拍戲嗰時係搵豆乾代替，但拍完套戲，佢有到牛雜店試食牛歡喜，原來味道同口感好似牛筋腩、爽腩，少少韌、少少滑。

撰文：衛紫敏

香港小姐冠軍│黃嘉雯家姐Yuki疑用洗衣機虐貓 警方昨晚天水圍拘捕一名女子 【下一頁】