張栢芝使出絕招叫醒懶床囝囝Quintus割愛波鞋做孝順仔

張栢芝喺內地真人騷節目《乘風破浪的姐姐2》中施展渾身解數，同一眾「姐姐」們爭妍鬥麗，期待突圍而出。日前首輪拍攝工作完成，栢芝暫時離隊趕返屋企同3個寶貝仔過新年。栢芝今日喺IG Story分享同二仔Quintus嘅日常生活片段。

{{hket:inline-image name="60.jpg"}}{{/hket:inline-image}}

張栢芝參加內地節目《乘風破浪的姐姐2》，開播幾集已經同班「姐姐」們引起唔少話題。 (圖片 :網上截圖) 

{{hket:inline-image name="55.jpg"}}{{/hket:inline-image}}

張栢芝已經回家同一３個仔迎接農曆新年。(圖片 ：張栢芝IG) 

張栢芝保持水準唱《星語心願》 網民呻難受:聲帶似飲完鏹水 【下一頁】

栢芝3個囝囝當中，以10歲Quintus喺媽媽鏡頭之下出鏡率最高，相信因為13歲嘅大仔Lucas已經步入青春期，面對媽媽嘅鏡頭明顯會有啲抗拒，而細仔「小王子」Marcus嘅真面目暫時仲未示人。Quintus今次被媽媽栢芝出賣佢嘅「懶床Mode」，畫面上打住「越大 (越) 喜歡懶床」。見栢芝捉佢隻手仔嗌佢起身返學，幾經辛苦先叫到睡眼惺忪嘅Quintus從被竇中坐起身，就連Quintus自己都忍唔住笑出嚟。最後栢芝出招，揸住支水嚇佢：「我數3秒，你唔起身我就用Water淋你呀，One... Two...」嚇到Quintus即刻乖乖起床。

另一條動態短片中，栢芝就「打劫」Quintus一對綠色波鞋，栢芝左腳已經著住一隻，然後問Quintus：「點呀，你畀一隻我，又唔畀另一隻我？」Quintus畀埋另一隻媽媽，栢芝問咗幾次：「你送畀我？係咪肯定，你講得出要做得到喎！」見到Quintus個樣好唔捨得，但又知媽媽鍾意，點晒頭話：「送畀你，送畀你！」栢芝話「肯定？」Quintus瞇起眼，好認真咁話：「肯定！」

Quintus除咗遺傳咗爸爸謝霆鋒嘅靚仔基因之外，亦有一鋪「揸辣跑癮」，佢將屋企變成賽車場，仲戴埋頭盔。雖然部「跑車」係用腳踩動，但Quintus踩出個狹窄走廊，仲要一個轉身「人腳倒車」，睇到栢芝都哈哈大笑。

（↓點擊圖片放大↓）

撰文：衛紫敏

廚房的匪夷所思│鄭中基自爆食過水曱甴奮勇史 食後感：嗰種糕香味永世都記得 【下一頁】