麥秋成期待BB出世│湯怡出嫁在即今日紅噹噹過大禮 滿枱禮物超巨型龍鳳鈪最搶鏡

湯怡上月突然公開宣布雙喜臨門，與跳舞導師麥秋成將會拉埋天窗，自己更已經懷上身孕，一次過升呢做人妻、人母，認真可喜可賀！早前二人的擬結婚通知書曝光，亦已訂於今個月舉行小型婚禮。

今日下午，一對新人依據傳統進行過大禮儀式，在英皇發放的兩張照片所見，湯怡被大堆禮物「圍封」，當中有海味、金器、禮餅、生果、紅酒和雙囍椰子等，放滿成張枱！只見準新娘笑得非常甜美，穿上紅噹噹的上衣，滿是喜慶感覺，而懷孕多月的她雖然沒有展示一下孕肚，但見她面頰比以往「有福氣」，非常健康。

湯怡秘撻「舞男」麥秋成雙喜臨門 洪卓立留言「恭喜恭喜」粉絲喊喊【下一頁】

{{hket:inline-image name="BYyfdfHA.jpeg"}}{{/hket:inline-image}}

麥秋成為迎娶湯怡可謂花盡心思，特別跟足傳統購買過大禮的禮物，其中照片中最前方的金器最為搶眼，單是一對龍鳳鐲有如拳頭般大，另外兩組黃金頸鍊，一邊是「花開富貴」，一邊是「鳳凰展翅」，非常精美。湯怡笑言：「我都係坐喺度㗎咋，哈哈！冇人夠膽畀我做嘢。就算我想幫手，佢哋都會話『你唔好呀……你唔好呀』，不過都好嘅，呢段時間大家都當我公主咁對待。再加上秋成弟弟秋明係wedding planner（婚禮顧問)，所以好多嘢都係佢幫我哋去處理。」

懷孕一段時間，湯怡提到自己的身體狀況，「我覺得呢個感覺好奇妙，自己都好興奮，暫時未緊張，反而會同啲朋友，或者家姐傾吓生完之後BB之後會點，好多知識吸收。同埋都睇好多媽媽書，譬如坐月嘅時候應該食啲乜嘢？懷孕期身體上會有啲乜嘢變化？同埋會補充好多supplement（營養品），希望可以有足夠嘅營養畀BB。」

（↓點擊圖片放大↓）

與湯怡下月結婚│41歲麥秋成同蔡思貝拍拖一年分手 與蔣家旻傳緋聞只是煙幕？【下一頁】

至於快將做爸爸的麥秋成在社交平台自爆，正努力為新手爸爸這個角色「進修」，了解孕婦所需，努力照顧湯怡和腹中BB。

他接受傳媒訪問時表示：「今日2月9號係我哋過大禮嘅日子，心情非常興奮。這段時間一邊工作一邊忙著籌備婚禮，好多細節要準備，包括擇日子、選擇聘禮、婚禮場地、佈置，加上限聚令，賓客 (數目上位置上) 嘅安排，真的忙不過氣。幸好弟弟是wedding planner，減少了很多煩惱！最緊要家怡 (湯怡本名袁家怡) 和屋企人開心滿意。當一切安排好，稍後我們會公布婚禮儀式日子，跟各位分享我們的快樂。至於我與太太，每一天也在學習，準備迎接BB的來臨。感覺到BB每天在成長是一個很奇妙嘅事情。這段時間，希望增加多點知識做一對稱職父母。」

責任編輯：楊安莉