流行都市｜安德尊宋芝齡「鬥氣冤家」互動親密 癡心漢子59歲只曾對一人心動

安德尊（大王）由1995年開始主持《都市閒情》（現改名《流行都市》），「元老級」嘅佢熟悉節目嘅節奏，同其他主持人不時鬥吓嘴，好識搞氣氛！除咗大家都知佢同死敵李錦聯互窒「火花」變「火災」級數之外，好多藝人都樂此不疲同大王鬥嘴㗎！

{{hket:inline-image name="66812479_222334688746517_8651796867790070724_n.jpg"}}{{/hket:inline-image}}

日前大王就同名廚三姐、宋芝齡、彭慧中以及吳天佑主持烹飪環節，中途因為大王一時大意搞到宋芝齡畀油濺中！宋芝齡立即投訴話「自己著住白色衫，件衫好貴㗎……」 大王調侃話佢計較，再安撫話幫佢拎去乾洗，二人嘅互動勁close似足情侶耍花槍！其實大王不時都有呢類「好姊妹」朋友，就好似張美妮咁，都一度予人曖昧之感，不過張美妮而家已為人母，而大王其實一早心有所屬！

（↓點擊圖片放大↓） 

大王接受訪問時曾經表示，當年追女仔追到菲律賓兼修讀藥劑學，及後女友去世，他未完成大學課程就返港。而講嘢有時好似唔係咁正經嘅佢，原來係一個癡心漢子至真，一生只有一個女人令佢心動，「我咁大個仔唯一心儀對象係當年喺港台遇上嘅關寶儀，不過而家人家已婚，我當年因為窮家出身，唔敢高攀一個咁好嘅女仔，我哋仍然係好好朋友。」

據知當年大王仲同過鄧兆尊爭女，有指兆尊嘅「二奶車厘子」曾經係大王嘅助手兼女友，兆尊硬撬牆腳令二人心存芥蒂。大王而家嘅正印正正亦係佢女助手阿So，阿So跟咗佢近20年都未有「名份」，男方就明言希望阿So係共度餘生嘅人，不過就話自己唔想結婚，因為適婚年齡已經過咗。

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress