【聲明】港生活網站並無進行電話推廣活動

姚子羚讚李施嬅準老公值100分

發佈時間: 2021/02/10

後日將踏入「女人40」的李施嬅突然公布婚訊,她的「胡說八道會」好姊妹姚子羚昨日表示已見過施嬅未婚夫,更大讚對方是好男人。至於未婚的子羚被批有桃花,好友陳山聰立即向她催婚,希望她找到好歸宿。

姚子羚、陳山聰及樂易玲昨日出席麥玲玲及林盛斌主持的新節目《師父有請》記者會,麥玲玲即場批算姚子羚有桃花,指她「寶物尋歸底」。子羚表示新年相約「胡說八道會」團拜:「每年我哋都會去豹哥(單立文)、豹嫂(胡蓓蔚)屋企𢭃利是,我哋非常唔知醜,被佢哋鬧咗好多年。」身旁的山聰即取笑子羚說:「施嬅都搞掂(結婚)啦,你快啲啦!」有指子羚與前度Raymond復合,她避談說:「感情事隨緣!」

對於李施嬅宣布嫁人,子羚開心說:「其實我哋之前已知佢訂婚,亦認識施嬅男友,佢係個事業有成、認真工作同心地善良嘅人,識講廣東話同英文,仲有頭髮㗎,絕對係100分!」陳山聰笑言《金宵大廈》超旺姻緣:「拍《金宵大廈》第一輯嘅時候我結婚,拍第二輯就輪到施嬅結婚,希望佢快啲生小朋友。」

樂易玲爆曾志偉開會忙不停

同場的無綫高層樂易玲,提到曾志偉前日正式出任無綫副總經理,樂小姐表示已跟志偉開會:「志偉提出好多好建議,開會同事都讚好。(整頓綜藝部門?)唔係,係想做得更好,志偉會帶領綜藝點行。佢不停開會,忙到晚飯都無食。」提到外界關心另一高層余詠珊的去留,樂小姐說:「問呢啲?我關心自己咋,余詠珊都講咗志偉係佢師傅,佢哋都約緊傾節目。」

採訪︰Pauline

攝影︰林良明

編輯:李潔盈

美術:梁政敏

姚子羚讚李施嬅準老公值100分

李施嬅(資料圖片)

姚子羚讚李施嬅準老公值100分

樂易玲大讚曾志偉細心聆聽台前幕後的想法。