【聲明】港生活網站並無進行電話推廣活動

情人節好去處任你揀 反斗奇兵、櫻花步道、LED幕牆示愛

發佈時間: 2021/02/10

情人節就快到,各位諗好同愛侶去邊度慶祝未?黛安知道唔少商場都有主題活動,最啱拖友去拍拖!如果愛侶充滿童心,係迪士尼與彼思《反斗奇兵》、《玩轉腦朋友》系列粉絲,可帶佢去上水廣場嘅「『反』轉紅粉甜蜜玩具世界」。場內有一眾《反斗奇兵》人見人愛嘅角色,包括胡迪、翠絲、勞蘇等喺粉紅甜蜜國度現身,更送上心心、鑽石及桃花同大家影相,寓意愛侶全年甜蜜幸福、雙雙對對。

想影靚相,荃灣廣場就設有日系「粉紅櫻花步道」,傍晚時份仲會亮起燈飾,影到燦爛嘅夜景㖭。此外,廣場仲照顧埋鍾意消費嘅女士,喺場內任何商戶消費滿$4,000,即可獲2X獎賞,有機會獲得$300贈券同電影贈券2張㗎!

至於鍾意韓劇嘅愛侶,就不妨帶佢到尖沙咀中心及帝國中心,因為信和集團為S+REWARDS會員帶嚟總面積4,000平方米、由8.2萬顆變色LED燈組成嘅向海LED幕牆,只要喺S+REWARD App以150點數登記參加活動,被抽中嘅男士,就可以喺呢個LED幕牆霸氣咁向愛侶展示1分鐘嘅愛的宣言,超浪漫呀。

情人節好去處任你揀 反斗奇兵、櫻花步道、LED幕牆示愛

荃灣廣場的粉紅櫻花步道。

情人節好去處任你揀 反斗奇兵、櫻花步道、LED幕牆示愛

尖沙咀中心及帝國中心嘅巨型示愛LED幕牆。

撰文: 黛安 消息特靈八卦公關
欄名: 八卦名利場