何遠東多得疫情搣甩50磅過牛年 爸爸做大廚 晚晚歎酒樓菜式長大

現年35歲嘅何遠東已經告別「肥東」稱號，由體重最高峰時期250磅，成功減到最新磅數200磅，足足踢走50磅肥膏，令不少肥仔肥妹人羡慕又妒忌。何遠東在IG上載最新「瘦東」照，佢嘟晒咀樣、一貫Oppa嘅招牌甫士，睇嚟瘦身之後自信都返晒嚟。

{{hket:inline-image name="20.jpg"}}{{/hket:inline-image}}

何遠東激瘦50磅，肥仔變咗Oppa啦！（圖片：何遠東IG)

{{hket:inline-image name="03.jpg"}}{{/hket:inline-image}}

何遠東重返《Think Big天地》唔係做「爆谷哥哥」，而係以嘉賓身份受訪。（圖片：電視截圖)

Think Big︳陳展鵬自爆小三仲會瀨尿濕床 愛女小豬比皺眉頭學邊個？【下一頁】

成功瘦身嘅何遠東，接受《晴報》訪問時表示：「我 (現在體重) 仲有200磅㗎，不過比之前嘅整體感覺相差好遠，因為我好叻，瘦喺個頭到，我知好多女仔都想瘦頭，我就好叻，一嚟就係瘦咗呢到。」農曆新年最多賀年糕點、油炸食品，佢又擔唔擔心新年過後會打回原形呢？何遠東話好多朋友睇死佢會反彈，但自己就唔係咁睇：「好多人估緊我行程（磅數）係點樣，冇喎，因為我食量細咗，好難會反彈，除非而家有一個角色要我肥番廿磅先畀我演，咁為咗角色我先會畀自己反彈囉。」

何遠東曾經係兒童節目《Think Big天地》入面嘅「爆谷哥哥」，日前佢以嘉賓身份接受Patrick Sir同小主持芊芊訪問。佢話自己小時候已經肥嘟嘟，事關爸爸係酒樓大廚，最鍾意幫佢開大食會：「豬扒、雞翼呢啲好小兒科，我屋企可以自製乳鴿，可以喺屋企食到酒樓食嘅菜式，因為我細細個就食呢啲嘢，到我大個先發現原來唔係家家戶戶都有呢啲嘢食。」

原來佢細個曾經立志做老師，最後老師同演員之中，佢選擇咗後者：「覺得演員好玩啲，同埋覺得『演藝學院』個名好勁囉！不過，考咗入去之後都差啲被踢出校，老師覺得我思想同視野唔夠廣闊，需要諗遠啲，唔可以咁狹窄，因為我性格太開心，太快樂，對住任何劇本都可以笑住演繹，冇可能演悲劇都開心嘛，呢個對我都係人生第一個衝擊嚟！好彩最後都冇被踢出校，成績仲幾好添。」

（↓點擊圖片放大↓）

撰文：衛紫敏

張栢芝使出絕招叫醒懶床囝囝Quintus割愛波鞋做孝順仔 【下一頁】