《東張西望》主持｜李旻芳年廿八繼續整蠱老公黃耀英 「佢光脫脫咁喺浴缸等叫口號」

《東張西望》主持李旻芳（Lucy）與黃耀英（Darren）婚後繼續好恩愛，而百厭的Lucy更不時整蠱Darren，繼上次匿喺門口後嚇老公之後， 噚日年廿八Lucy又有整蠱新搞作嘞！

{{hket:inline-image name="108879120_3500283636672503_5714941167279745885_n_600.jpg"}}{{/hket:inline-image}}

年廿八是大掃除的日子，家家戶戶都會「洗邋遢」。而Lucy一家每年都會用碌柚葉沖涼，因此今年她亦叫Darren照做……Lucy又整蠱老公，笑說沖涼時要講口號，Darren自小在英國倫敦成長，不懂這些傳統禮節，當然對老婆言聽計從啦！

從Lucy拍的片中可以聽到Darren在廁所叫口號：「年廿八，洗邋遢，好運來，日日開心！」老婆就一邊聽一邊偷笑，仲話佢背錯口號。之後男方再背一次，但已經唔記得點叫，於是就發晒晦氣。

（↓點擊圖片放大↓）

Lucy接受本報訪問時笑老公十分可愛，笑言因他自小在英國長大，因此不懂得傳統習俗。「佢好搞笑，因為佢鬼仔完全唔識，我講乜嘢佢就照做乜嘢。佢仲要光脫脫咁喺浴缸預備叫口號，好鬼可愛！」

{{hket:inline-image name="116264683_122805339210507_5113065034197881627_n_600.jpg"}}{{/hket:inline-image}}

她又坦言今次的整蠱大計是臨時臨急諗出來，「事緣係媽媽一朝早俾咗啲碌柚葉我，要我攞嚟大掃除，因為我哋每年都一定會用碌柚葉沖涼嘅，但係不嬲都冇任何口號㗎！我都係喺佢沖涼之前臨時臨急想整蠱佢而作出嚟！我話你沖涼嘅時候要用嗰啲碌柚葉擦自己個頭，再用啲葉水由頭沖到落尾，一路沖嘅時候要一路講『年廿八，洗邋遢，衰運沖走晒，好運陸續嚟』……大致上係咁講，因為我都係亂咁噏！」

{{hket:inline-image name="lucy5.png"}}{{/hket:inline-image}}

而前幾日Lucy的狗狗「婆婆」病倒，醫生更叫她做定心理準備。問到狗狗情況如何，她表示：「婆婆精神好咗好多啦！多謝關心！ 噚日去咗睇醫生照超聲波，發現身體有好多毛病，唔同嘅部位都有腫瘤，不過佢而家食得行得，我都冇咁擔心啦！年紀大， 機器壞，都預咗嘞！只希望佢可以舒舒服服！」

（↓點擊圖片放大↓）

《東張西望》主持｜李旻芳小學雞整蠱老公黃耀英 網民竟然錯重點 慘被無視 【下一頁】