陀槍師姐‧陳三元│滕麗名新秀入行初拍劇被導演狂鬧 黑面寸樣原來關《真情》阿雪事

近日無論是《愛回家之開心速遞》的熊尚善，還是《陀槍師姐2021》的陳三元，滕麗名都為觀眾帶來不同的驚喜，入行26年的阿滕有不少的代表作，在云云作品之中，以「陳三元」擁有最長的歷史。由戲劇「初哥」到處境劇的女主角，阿滕笑言跟陳三元早已密不可分。她近日接受TVB《你是你本身的傳奇》訪問，首次自爆經常被指黑面、寸樣的真正原因，原來跟《真情》的阿雪有關。

《陀槍師姐2021》滕麗名「點名」與黃美棋續母女緣 爆老公唔「捧場」：覺得接受唔到【下一頁】

{{hket:inline-image name="c9cea27b-f022-4e49-aa09-e45f87037372.jpg"}}{{/hket:inline-image}}

{{hket:inline-image name="joyce3.jpg"}}{{/hket:inline-image}}

阿滕參加新秀歌唱比賽出道，當年有陳奕迅、楊千嬅等對手，阿滕勇字當頭，在比賽上唱王菲的《愛與痛的邊緣》，後來獲華星唱片安排唱兒歌，她笑言以往很介意大家提到《咕嚕咕嚕魔法陣》這首兒歌，「有次行山，我同許家傑、袁文傑同行，有個小朋友照計應該係睇《愛回家》嘅，諗住佢叫我尚善老師，點知叫我『咕嚕咕嚕』，原來佢話佢學校老師每日放學都會播『咕嚕咕嚕』！我後生時好怕人聽到呢隻歌，硬係覺得唱兒歌有啲造作，有少少鍊住把聲嚟唱，扮細路、扮可愛，到長大先發現其實首歌陪好多人成長。」

她直言開始拍劇是1996年《天降財神》，已經跟歐陽震華合作，所以一直以來視他為哥哥。礙於自己天生聲線比較弱，她大感難忘表示︰「當時唔熟悉環境，仲要笠住假髮，怕醜到講說話好細聲，連個咪都收唔到音，一日畀導演鬧到黑！以前拍劇仲喺清水灣電視城，收工就自己去科技大學個停車場，去嗌、練習開聲！」後來加入《真情》劇組拍攝，處境劇的節奏非常之快，拍攝期亦非常趕急，令她能夠急速成長，「基本上預演員可以一take過，第二take已經係罪，感覺好似木人巷，要記好晒走位、對白，仲要留意唔好遮到人哋嘅光 (源)，加上同劇位位都係老前輩，真係一個好大嘅訓練！」

（↓點擊圖片放大↓）

《陀槍師姐》︳滕麗名一個陳三元演足23年 軍裝女警升呢警司棄舊愛戀陳豪【下一頁】

阿滕大爆當年經常被指黑面、樣子寸嘴，她解釋：「唔講大家都未必知，《真情》阿雪呢個角色係一個視力有問題嘅女仔，劇組幫我配咗灰色隱形眼鏡，點知效果唔夠好，再疊一對白色上去，仲未夠好，再疊多一對白色，即係一次過戴三對有色隱形眼鏡！好多人誤會以為我好寸、招呼都唔打，其實我真係睇唔到嘢！」錯有錯著，有監製見過她的「寸樣」，覺得她夠寸夠酷，於是找阿滕出演陳三元一角。

在《愛回家》中，阿滕跟囝囝金城安（周嘉洛飾）有著非常搞笑的互動，她說：「呢個媽咪比較詭秘同超現實，不過又行得通，好多現實中嘅媽媽睇咗覺得好開心，因為佢哋好希望有一日可以對個仔咁做！我完全係幫佢哋發洩咗出嚟。熊尚善雖然會體罰個仔，又大大聲兼惡死，但我覺得自己媽咪恐怖啲！」

（↓點擊圖片放大↓）

阿滕表示網友認為「陳三元」是有史以來最悲劇的角色，由第一輯滿有衝勁的女人撐起半邊天，第二輯被強姦，第三輯面對兒子離世，第四輯連丈夫也離世……她說：「角色有成長，特別重遇朱咪咪、黃美棋，回憶返晒嚟，已經分唔到係陳三元陪我成長，定係我陪陳三元成長嘞！」

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress