赤口情人節火爆夫妻│吳若希老公爆情人節曾兩頭蛇送花 「漁翁撒網係未婚男人會做嘅事」

今年2月14日情人節撞正大年初三赤口，情侶之間的火藥味會否因而大增呢？當圈中一對又一對藝人不斷Po相放閃之際，「火爆夫妻」吳若希和老公何兆鴻（Alex）在赤口的日子都如常鬧交，日前他們接受好友陳定幫師傅的YouTube頻道訪問，兩公婆大爆平日經常鬧交的原因，搞到夾在中間的幫幫師傅都非常尷尬，踏入年初三赤口，吳若希更在IG暗示想離婚，似乎心情非常激動！

寬敞複式單位曝光│吳若希開YouTube放閃變勞役老公 玩剪鼻毛擠暗瘡 極速變臉施獅吼功【下一頁】

{{hket:inline-image name="jin2.jpg"}}{{/hket:inline-image}}

YouTube片中，陳定幫大爆原來當時曾先後為吳若希和Alex批命，發現兩人命格非常夾，吳若希說：「當時我有兩個追求者，佢係其中一位，幫幫師傅就話呢個好，佢會好鍾意我同錫我。」幫幫師傅解釋兩人之所以經常鬧交，全因他們是「騎呢」命格，但非常之夾。對於吳若希以往經常在IG「公審」老公，Alex坦言有不開心，但近來已經選擇不看，就算對方破口大罵都選擇忍，然後默默離開，他說：「我哋冇互寸過，我一直都係被寸。」其中吳若希提到情人節關鍵字時，她一臉氣憤大爆當年拍拖時，她收過Alex靠幫幫師傅訂購到18支藍色玫瑰花，沒想到他同時間又買了99朵紅玫瑰送給澳門的另一女生，她說：「18朵同99朵嘅對比，大家會覺得有咩感覺呢？好嬲呀你明唔明呀？真係好嬲！」沒想到Alex大膽反駁說：「漁翁撒網是每個未婚嘅男士都會做嘅事嚟呀啦！」

吳若希說：「呢個故事教訓人咩呀？就係如果要玩感情，唔好對住認真嘅人玩，佢喺你玩完之後...我希望我哋唔好離婚啦，因為我想玩你50年！」

（ ↓ 點擊圖片放大 ↓ ）

孕傻系列｜吳若希擺烏龍記錯老公生日𤓓爆 Alex振夫綱大膽網上「公審」？【下一頁】

吳若希踏入年初三赤口，在IG度呻：「踏入赤口，我已經準備好嗌交嘅心情，上次開Live都講過我同何生講咗一定要攬住我瞓覺。年三十晚，佢自己瞓著咗，到我瞓嗰陣攬住佢，佢仲夠膽死批我踭。昨晚我可以背住佢自己打機，畀機會佢好（改）過自新，佢依然掛住打機無理過我。今晚，我已經喺房攤咗喺床，佢依然喺樓下打緊機。」隨後，吳若希再post，「上次話幫我畀錢請律師離婚嘅網民去咗邊！唔該你DＭ我！」

（ ↓ 點擊圖片放大 ↓ ）

責任編輯：楊安莉