牛年快樂！圈中藝人平日工作忙碌，難得農曆新年的日子，都會趁佳節與家人團聚，鄭嘉穎在社交平台分享照片，相中他一人抱住兩個囝囝鄭承悅（Rafael）同鄭承亮（Yannick），左擁右抱，錫完一個又錫另一個，場面非常溫馨，而老婆陳凱琳（Grace）都有一齊影全家福，一家四口都笑得非常開心。兩兄弟齊齊穿上紅色的唐裝賀年衫應節，Yannick同哥哥Rafael一樣擁有一對大眼睛，而且圓碌碌的身形同小手摸住哥哥，非常可愛。好友龔嘉欣、胡杏兒、黃智賢、倪晨曦等都有留言大讚可愛。
【哥哥Rafael冇呷醋】鄭嘉穎陳凱琳為細仔開火鍋百日宴 Yannick首度曝光雙眼夠圓似媽媽【下一頁】
雖然嘉穎掛住錫兩個仔，不過Grace都唔會呷醋，Grace表示：「今日大年初一非常忙碌！帶住兩個小寶寶去拜年一啲都唔簡單。不過長輩見到佢哋就開心到暈低～ 所以一切都係值得嘅！大家牛年大吉 ！萬事如意！身體健康！From the Cheng Family （鄭氏家族)」
另外，聽日情人節就是哥哥Rafael的2歲生日，其中一張照片，嘉穎捧住Rafa的生日蛋糕，更拎起士多啤梨引Rafa，Rafa唔知見到爸爸定見到士多啤梨，對眼發晒光冧笑，可愛度爆燈。聽日年初三赤口、情人節及Rafael生日，未知一家四口打算點慶祝呢？
(↓點擊放大圖片↓)
【新生日記】應采兒佗B拍節目爆再懷孕原因 Jasper大反擊吩咐陳小春切生果【下一頁】
除了鄭嘉穎同陳凱琳一家之外，陳小春和應采兒一家都有分享一家四口的照片，細仔HoHo都首次亮相，眼神和笑容跟陳小春和哥哥Jasper非常似樣，非常可愛。以往應采兒就算上載全家福，多數都會遮掩住HoHo的樣貌，今年牛年新年，終於大方示人，認真開心。
陳豪一家都有拍片向大家恭賀，起初他們齊心一齊講：「恭喜發財，牛年快樂！」沒想到講完八隻字之後，細女Camilla興奮得以海豚音尖叫，耳朵硬食的陳豪都表現得一臉痛苦，不斷叫No，而陳茵媺亦勸她：「Camilla...」，Camilla即時乖乖收聲。雖然是NG片段，不過陳茵媺都照放上網，大家睇得非常開心，讚囡囡活潑可愛，兩個哥哥面對妹妹一時失控又表現得超淡定，可愛的一家。
而許冠傑三代同堂、張頴康麥雅緻、林子善、徐榮、梁芷珮、黃澤鋒等都有上載全家福或小朋友的照片，非常可愛，睇得大家都十分開心，開年都特別有意義。
(↓點擊放大各個星級家庭靚相↓)
責任編輯：楊安莉
=====================
晴報MeWe 登場！https://mewe.com/p/skypost
健康男女MeWe 登場！ https://mewe.com/p/healthylifeexpress