麥大力搞笑示範點過單身情人節 唐詩詠做電燈膽炮製甜品補償

昨日是一年一度西方情人節，圈中的夫妻和情侶都肆無忌憚盡情放閃，令社交平台不斷有閃光彈，唔戴副黑超都怕閃傷眼，實在難為一眾單身人士。身為飛機師的麥大力雖然靚仔，不過自稱單身，佢好識得自製浪漫，他日頭去探婆婆，拜年兼過情人節，夜晚準備咗燭光晚餐...自己食。大力在鏡前對住鏡中的自己碰杯，又飛吻兼做出心心手勢，最後對鏡手碰手，超級搞笑，最無敵是背景音樂是《鐵達尼號》的主題曲《My Heart Will Go On》。很多粉絲都留言讚大力是冷面笑匠，亦有人追問到底為他拍攝的是誰？

恭喜發財│麥大力謝嘉怡同聲同氣過新年 跟傳統寫揮春 志趣相投最愛係食【下一頁】

{{hket:inline-image name="DEREK1.jpg"}}{{/hket:inline-image}}

麥大力新年期間都有繼續開工，為無綫不同的賀年節目錄影，昨晚《東張西望》播出特輯節目，麥大力親身上陣炮製秘製的叉燒，風趣幽默的他將士多啤梨切成心形，放在心口前扮心臟跳動，非常搞笑。主持人梁麗翹大讚他刀功非常厲害，大力指小時候5、6歲時已經跟媽媽學廚，所有功夫都是媽媽教，問及他放棄做醫生去做飛機師一事，大力說：「媽咪好想我做醫生，所以我大學讀醫科，不過我真係好鍾意飛機師嘅生活，細細個坐過飛機之後就已經好想揸飛機。後來我考入香港航空公司之後，我先話畀媽咪聽，當刻佢都真係幾嬲。不過，後來十幾年佢都好開心。」

(↓點擊放大圖片↓）

啱晒Channel│麥大力正式踩入明珠台做主持 夥拍時尚靚女係「亞洲皇后」？【下一頁】

除了麥大力之外，圈中不少單身人士都各有節目。唐詩詠在初三情人節，特別到好友黃翠如和蕭正楠屋企拜年，成為一個超級電燈膽。她上載多張搞笑合照，並留言說：「我真係好好，情人節專登煮pancake畀佢哋食。」蕭正楠搞笑稱：「我已經好克制。」唐詩詠今年非常活躍，年初二跟《鐵馬尋橋》一班兄弟姊妹到「大哥」鄭嘉穎屋企拜年，齊齊打牌耍樂，到年初三又再到黃翠如家拜年，非常開心。至於其他單身藝人如何度過呢？

(↓點擊放大圖片↓）

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress