職場派利是│打工仔公司派利是見盡人性 向同事派$50一個原因得罪上司

每逢農曆新年，不少已婚的打工仔都會在公司派利是取個好意頭，不過卻同時容易招惹是非。一名港男日前大呻，婚前已見盡公司利是文化的人性百態，指有不少同事會即場拆利是談論是非；至他婚後派利是，曾向相熟的同事派發50元利是，未料此舉竟然被認為功高蓋主，因此得罪上司，不禁對職場利是文化心生厭惡，感嘆：「派得少俾人藐，派得多話我扮大哥！」

Facebook專頁「辦公室日報」周六（13日）刊登讀者Vincent的投稿，分享其公司的利是文化。他坦言公司內的利是文化「好差」，自己婚前的角色只是收利是，但已看盡辦公室的人性百態。事主表示，其上司愛出風頭，堅持要「拉大隊」帶領下屬到其他部門逗利是，令已經30多歲的事主感到十分尷尬，他形容該行為相當「肉酸」，卻又擔心「唔去又話你唔合群，跟住去又成個裙腳仔咁」。

同事即場拆利是

事主續指，有同事相當在意利是金額，甚至有不少人會即場拆利是大講是非：

「『X！Ada派20蚊咁cheap，第日唔幫佢做嘢！』、『Morgan派10蚊喎，X，不如唔好派啦！』、『Jacob派一封嘅喂？唔係結咗婚一定要打孖咩？咪咁孤寒啦！』」

他慨嘆公司內總有一群無口德的同事，有次更親眼目睹有一名男同事，向另一名已婚同事索取利是：「你未派利是畀我個女喎！」他對其行為不敢恭維，還表示即使他日自己有兒女，也一定不會主動向他人逗利是。

派$50利是得罪上司

事主於2019年結婚，並於去年首次派利是；為免惹來同事非議，決定向不熟絡的同事派發20元利是，至於感情較要好以及同部門的同事，則派發兩封50元利是。他本來以為能夠滿足眾人要求，未料事後卻從同事口中得知，此舉竟然惹來上司不滿，

「同事：『佢話你扮大佬呀！佢一人派一封50，你一人派兩封50，即係100，佢係阿頭，竟然派得少過你，覺得你落佢面，又話下年如果學你派兩封50，包利是成本大咗好多喎！』」

他對此局面始料未及，形容其上司小器得似「八婆」，並且大感委屈，大呻：

「派得少，背後會畀人藐；派得多，阿頭話我扮大哥。派利是啫，最緊要開開心心，10蚊又嫌cheap（寒酸），20蚊又嫌少，一封又話孤寒，兩封又話人功高蓋主，我呢間office嘅『利是文化』真係好X麻煩。」

今年改變計畫

事主汲取經驗後，決定今年的利是金額不變，但就由派兩封變為一封。他直言已料到會被同事批評，但已經不再介懷是非，

「派錢出去唔通仲要介意人哋點講咩，只係希望啲是非唔好傳返嚟我耳邊就得喇。」

網民分享公司利是文化

其經歷引起網民熱烈討論，不少人都認為派利是都只是為了取個好意頭，無論金額多少都只是心意，不應斤斤計較。有人表示，身邊亦有類似的同事，並分享自己公司的利是文化：

↓點擊圖片放大↓

派錯利是$500當$20，港男苦惱好唔好問佢拎番？，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress