乘風破浪的姐姐2|張栢芝三孩之母完美身形「破功」 冇P相現「甲組腳」蘋果肌僵硬

現年40歲嘅張栢芝近年好少喺幕前出現，難得佢早前參與內地綜藝節目《乘風破浪的姐姐2》，栢芝喺節目中施展渾身解數，又唱又跳，成為大家討論嘅焦點。唔少人對栢芝嘅評價都係唔多正面，先係指佢唱功唔得，又指佢hea住跳舞，剩係靠「賣樣」……不過最近就連佢嘅靚樣都備受批評！

{{hket:inline-image name="1.JPG"}}{{/hket:inline-image}}

《乘風破浪的姐姐2》劇組喺微博上載宣傳照，照片中栢芝擁有水蛇腰同白滑筷子腳，身形弗到爆同少女一樣！不過網民發現到節目出街嘅時候竟然貨不對辦！栢芝除咗腋下露出鬆弛肥肉外，膊頭仲顯得有啲橫，腰亦好粗壯；而佢嘅筷子腳喺冇修圖下仲驚變「甲組腳」，感覺上好似矮咗幾吋咁！

除此之外，更有人發現栢芝面上完美無瑕，就連紋都唔多一條，不過喺佢笑嘅時候，鏡頭影到佢大側面嘅蘋果肌好大嚿同唔多自然！

（↓點擊圖片放大↓）

唔少網民都話畀佢嘅「騙圖」呃得耐，其實鏡頭下真正嘅栢芝就同一般師奶仔冇乜嘢分別！但亦有網民力撐栢芝，指佢已經係三孩之母，而跟同齡嘅女星相比，栢芝身材已經算唔錯，唔應該太吹毛求疵咁話！

其實栢芝經常喺社交平台同大家分享佢嘅護膚同keep fit心得，佢不時做帶氧運動同瑜伽。或者身形唔係最重要，相信真正嘅內在美、身體健康先至栢芝而家所追求嘅。