【聲明】港生活網站並無進行電話推廣活動

信和贈逾千福袋 與基層同慶新春

發佈時間: 2021/02/17

基層家庭年關特別難過,不過人間始終有愛。黛安知道,信和集團今年同7個社區夥伴合作,早前送出超過1,000個賀年福袋畀基層家庭同傷健人士,等佢哋都可以開開心心慶新春!

信和今次同聖雅各福群會、啟愛共融社區中心、路向四肢傷殘人士協會、特殊學習需要家長協會、鴨脷洲街坊學校、循道衛理亞斯理社會服務處及循道衛理觀塘社會服務處合作,送出嘅福袋內有罐頭鮑魚、冬菇、臘腸、朱古力、蛋卷同揮春,而且仲有防疫必備嘅外科口罩,唔單止十分「足料」,仲由集團義工同親友一齊包裝派發,相當有心。

信和集團總經理黃敏華就同黛安分享,講到農曆新年係華人最重視嘅節慶,集團都希望透過福袋,為有需要人士送上節日祝福同暖意,仲感謝7個夥伴以及同事們不遺餘力嘅付出!

撰文: 黛安 消息特靈八卦公關
欄名: 八卦名利場