林景程「踩過界」變地產經紀

無綫劇集《香港愛情故事》去年尾播出後大獲好評，劇中飾演地產經紀Henry的林景程，近日被地產代理公司App睇中任代言人，再次化身地產經紀拍廣告。入戲的景程在FB留言：「話咗識得我，一定有好路數，新年流流介紹份筍工，成為地產界新星，呢鑊仲唔係你？」

昨日林景程接受本報訪問時稱︰「有朋友問我係咪做咗地產，唔好誤會，我唔係做咗經紀，只係代言啫！（好好酬勞？）酬勞係其次，今次算係對Henry呢個角色嘅肯定，起碼現實嘅地產代理都會諗起呢個角色。」景程今年初已跟無綫簽下經理人合約，成為「親生仔」後，相信他在牛年事業更暢旺。