失憶24小時│譚偉權演揦鮓星意外撞樣郭晉安 改變形象甩童顏 太太顏菁葦點睇？

新劇《失憶24小時》中，吳耀中（郭晉安飾）為了出一口氣，將蒙一言（譚俊彥飾）出沒的地點提供給好友揦鮓星（譚偉權飾），沒想到由互毆演變成綁架事件 ; 吳耀中目睹案發經過更主動跳上綁匪的車，將計就計扮作被綁架的肉參，借機向揦鮓星要求瓜分500萬贓款。

《十二傳說》譚偉權「逆生長」真實年齡估唔到 狂開live做網紅兩個月賺10萬【下一頁】

{{hket:inline-image name="gary1.jpg"}}{{/hket:inline-image}}

{{hket:inline-image name="gary2.jpg"}}{{/hket:inline-image}}

譚偉權今次在《失憶24小時》中飾演的角色揦鮓星生活非常潦倒，跟以往角色大有不同，連不修邊幅的郭晉安都怕了他的口氣和體味。譚偉權在IG留言說：「大家覺得揦鮓星點呀......係咪好揦鮓呢？我每次搞個妝都搞得好認真......啲揦鮓嘢搽咗上牙度，幾難頂又容易甩，做戲嘅時候好容易俾我食晒落肚......要不停咁補搽......仲有面部皮膚嘅狀態，要不停咁補水......今次呢個角色都算係我最揦鮓嘅一次，希望大家會喜歡啦。」

譚偉權接受《晴報》電話訪問，他表示：「配合角色需要，再加自己嘅創意落去。棚牙係最難搞，因為要搽啲咖啡色嘅色素上去。每次搽之前都要先抹乾牙齒嘅表面，咁樣先至上到色，所以每次搽完都要『E』起棚牙等色料乾。最麻煩係搽咗之後唔可以食嘢同飲嘢，講得多台詞都會甩色，所以成日要不停補色。我都食咗好多顏色落肚，每日拍攝完要用火酒慢慢逐隻牙抹走啲顏色。至於塊面嘅油淋淋效果，係不停咁噴水同搽咗啲透明蘆薈cream上去。好多謝監製同編審為我設計咗一個咁特別嘅角色。除咗外形要夠揦鮓，我仲有體臭添......我試過用一啲好臭嘅所謂香水噴自己，連自己都頂唔順，相信對手安仔都一定頂唔順！今次改變一下形象都好呀，做演員要不停突破自己嘅框框嘛！唔可以成日做靚仔嘅，不過最重要都係配合劇本需要。」

(點擊圖片放大)

《閃電傳真機》30周年重聚 神隱蔡子健現身原來已經轉行【下一頁】

其實譚偉權並非首次跟郭晉安合作，上次在《白色強人》中都有不少對手戲。今次在《失憶24小時》兩人留鬚，意外「撞樣」，譚偉權說：「《白色強人》我同安仔係死對頭，今次係好朋友，所以感覺好唔同，我大部分嘅演出都係同佢做對手 ; 平時我哋都有傾有講，friend咗好多，我哋仲會傾吓信仰問題添！佢知我鍾意哥哥張國榮，之前又演過哥哥嘅角色，所以都有分享過佢同哥哥嘅嘢俾我聽。喺安仔身上面我都學到演戲嘅嘢，合作好愉快。有好多人同朋友都覺得我哋個樣相似，就連我自己睇返電視都覺得似！」

今年52歲的譚偉權仍然一臉童顏，感覺完全唔識得老，跟廿年前在《閃電傳真機》唱《白石嶺公園》的Gary哥哥，分別不大。問到他同樣是兒童節目出身的太太顏菁葦會否投訴？他笑言：「其實我同太太都一樣係童顏，所以唔會得到投訴嘅。」譚偉權是愛妻號，以往經常陪太太去旅行，去年趁工作空檔，兩公婆一齊拍片放上YouTube，在家炮製不同的美食，間接「放閃」。

(點擊圖片放大)

責任編輯：楊安莉