大家樂新春送暖 2000個2人盆菜贈基層

受疫情影響，黛安聽公關姊妹講，即使到咗新年，好多居於院舍嘅長者，都未能與家人見面，難免會感失落，所以大家樂集團今年嘅「區區開年飯」，就特意製作超過2,000個「豐盛有營」2人盆菜，即日起至27日，透過20間社福機構同埋大家樂員工，上門分發畀社區、院舍和居家嘅長者送暖，仲會送埋畀低收入家庭、殘障人士和受疫情影響嘅市民手中，一齊分享快樂。

唔講唔知，「區區開年飯」已經舉辦咗5年，每逢新春大家樂都會落區送暖，就算今年疫情都堅持計劃，認真窩心。

姊妹話，大家樂好貼心，知道長者同小朋友要食得健康，唔可以太油膩，所以特別請咗專業營養師選配食材，包括精選咗4份嘅蔬菜量，又以瘦豬肉、馬蹄、豆腐、冬菇等烤製而成嘅「自家製獅子頭」，食材較少肥豬肉又唔經油炸，將油份同熱量控制係低水平，有營養得嚟又健康啊！

大家樂集團首席執行官羅德承就話，希望集團可以利用餐飲專長同資源，幫到社會上有需要嘅人士；善心滿溢喔。