【聲明】港生活網站並無進行電話推廣活動

大家樂新春送暖 2000個2人盆菜贈基層

發佈時間: 2021/02/18

受疫情影響,黛安聽公關姊妹講,即使到咗新年,好多居於院舍嘅長者,都未能與家人見面,難免會感失落,所以大家樂集團今年嘅「區區開年飯」,就特意製作超過2,000個「豐盛有營」2人盆菜,即日起至27日,透過20間社福機構同埋大家樂員工,上門分發畀社區、院舍和居家嘅長者送暖,仲會送埋畀低收入家庭、殘障人士和受疫情影響嘅市民手中,一齊分享快樂。

唔講唔知,「區區開年飯」已經舉辦咗5年,每逢新春大家樂都會落區送暖,就算今年疫情都堅持計劃,認真窩心。

姊妹話,大家樂好貼心,知道長者同小朋友要食得健康,唔可以太油膩,所以特別請咗專業營養師選配食材,包括精選咗4份嘅蔬菜量,又以瘦豬肉、馬蹄、豆腐、冬菇等烤製而成嘅「自家製獅子頭」,食材較少肥豬肉又唔經油炸,將油份同熱量控制係低水平,有營養得嚟又健康啊!

大家樂集團首席執行官羅德承就話,希望集團可以利用餐飲專長同資源,幫到社會上有需要嘅人士;善心滿溢喔。

大家樂新春送暖 2000個2人盆菜贈基層

集團邀請咗專業營養師選配盆菜食材,材料豐富又健康。

撰文: 黛安 消息特靈八卦公關
欄名: 八卦名利場