劉德華和劉青雲主演的《拆彈專家2》原定於去年底聖誕節檔期上映，奈何因第四波疫情而延期，直到今天「人日」才重見天日，正式上畫。回顧過去受疫情影響，華仔滿滿的工作行程突然煞停，雖然與九歲女兒劉向蕙的親子時間多了，但摩擦亦相應增加，華仔忍不住笑說︰「我係Yes爹哋，但都頂唔住。」
新片《拆彈專家2》跟上集沒有關連，是全新故事，飾演拆彈專家「潘乘風」的華仔，與拍檔劉青雲邊拆彈邊演繹一個深情故事。上一集安排炸紅隧後，今集則炸機場，製作費高達二億港元。身兼電影監製的華仔表示︰「機場係其中一個地標性建築物，其實可以喺宋皇臺拍嘅，不過諗住陽氣啲、大製作啲，所以就選擇喺機場拍。」身為老闆，華仔對於電影一度上映無期亦深感無奈，但他仍然保持正能量︰「既然大家都知道係咁，咪順住呢個情況，然後大家努力囉，亦都無得諗將來會點，因為大家都未知會點樣。」
抗疫生活變相增肥
疫情肆虐，連天王華仔亦無面畀，他有三部電影及兩個演唱會都叫停，所有工作都被打亂。華仔說︰「好似2020年突然喺我嘅行程中消失，但為咗自己樂觀啲同審慎啲，我仍然會plan嚟緊一年半嘅工作，但每兩個月會更新一次，同埋多啲網上活動。」華仔最近愛上玩抖音，頻頻拍片與粉絲互動，開戶短短兩日便狂吸超過5,000萬粉絲，相當厲害。至於疫情下的華仔日常會做甚麼？外間認定華仔對身形十分着緊，誰知他想也不想便說︰「增肥！我真係肥咗啲，食嘢多咗，但就愈來愈懶做運動，成日覺得自己喺屋企，可以大把時間做運動，點知拖到最後都無做。」
與劉青雲合作仍有默契
雖然工作暫停，但華仔卻偷得浮生，有更多時間陪伴寶貝女。華仔直言︰「上年農曆年我返咗大馬，但因為開始有疫情，就留喺當地，到四月先返港。由過年起佢（女兒）就網上教學，一直到六月，都多咗親子時間，無端端學多咗好多，好似重新再讀書咁。」華仔續說︰「以前唔使教佢做功課，所以依家係多咗做功課嘅時間，唔算親子時間。」他忍不住扮作割頸斷氣，又笑說︰「成日都會覺得，有無搞錯，（囡囡）咁都唔識（做）。我唔係惡爹哋，我係Yes爹哋，但係都頂唔住，哈哈！我諗呢段時間，好多父母都好明白我嘅心態，係一個考驗。依家我脾氣好咗，仲好過以前。（囡囡開心你多咗時間陪佢？）我返去問下佢先，應該開心啩，我無正面問過。」
華仔跟劉青雲繼電影《嚦咕嚦咕新年財》後，相隔18年再合作，華仔笑言有壓力︰「今次搵青雲都覺得有少少壓力，死啦，唔知同佢咁耐無對戲會有咩改變。青雲真係好好嘅演員，我哋開工前會對稿，佢講得好清楚，於是我哋一埋位特別合拍，好似返去以前咁。」
化粧及髮型︰鄭如麗
服裝︰Kolor @ Lane Crawford
場地︰九龍灣國際展貿中心（KITEC）
撰文︰倪小珊
攝影（部分）︰林良明
美術︰梁政敏