自資拍荷里活電影 何超儀唔敢亂使錢

何超儀昨日與老公陳子聰及《兩顆絕望的心》導演Mike Figgis，到將軍澳邵氏影城出席荷里活新片《Mother Tongue》開鏡儀式。超儀今次自資開拍新片，透露因疫情所限，由原先遠赴美國製作，改為在香港拍攝，成本節省六成，但她笑言不會因此而亂花錢。

新片《Mother Tongue》由陳子聰監製、曾入圍奧斯卡最佳導演的Mike Figgis執導，何超儀一人分飾兩個神秘角色。超儀表示電影全英語對白，原定在美國開拍，因疫情決定在港拍攝：「今次真係誠意打動導演，導演對香港電影嘅製作同質素好有信心，相信香港電影人係有料到，多謝佢肯嚟香港，令香港電影人有工開。」其他外籍演員已抵港，現正接受隔離。

搭建大屋廠景

新片由超儀全數投資，她笑言勝在有自由兼無壓力，提到在邵氏影城搭景拍攝，她說：「我同導演寫包單，可以搭到一個有美國加州風味嘅景，今次喺影城起咗一間成個廠咁大嘅巨屋，至於花費幾多就唔講啦。」超儀預計電影拍攝一個月，又指在香港拍攝，製作成本大減六成，不過她笑說：「使錢方面反而無大家想像中咁鬆手，我真係唔夠膽，一切要睇時勢，但希望趕到喺今年內完成部戲，之後參加世界各地影展，可能明年先上映。」

採訪︰Pauline

攝影︰林良明

美術：梁政敏